ডিজিটেল ডেস্কঃ এক ভয়ংকৰ দুৰ্ঘটনাই জোকাৰি গৈছে গুজৰাটক। শুকুৰবাৰে নিশা গুজৰাটৰ ৪৮ নং ৰাষ্ট্ৰীয় ঘাইপথত দুৰ্ঘটনাটো সংঘটিত হৈছে। যাত্ৰী কঢ়িয়াই অনা এখন বাছ আহমেদাবাদৰ পৰা আহি আছিল। বাছখনত থকা যাত্ৰীসকলে স্বামী মহাৰাজ শতাব্দী মহোৎসৱৰ পৰা উভতি আহিছিল।
সেই সময়তে যাত্ৰীবাহী বাছখনৰ সৈতে এখন এছইউভি বাহনৰ মুখামুখি সংঘৰ্ষহয়। ফলত ৯ জন লোকৰ থিতাতে মৃত্যু হয়। দুৰ্ঘটনাটোত কমেও ২৮ জন লোক আহত হয়। আহতসকলৰ মাজৰে কেইবাজনৰো অৱস্থা সংকটজনক হোৱালৈ চাই নিহতৰ সংখ্যা বৃদ্ধি পাব বুলি আশংকা কৰা হৈছে।
শুকুৰবাৰে নিশা গুজৰাটৰ নৱসাৰী জিলাৰ ৪৮ নং ৰাষ্ট্ৰীয় ঘাইপথত এই দুৰ্ঘটনাটো সংঘটিত হয়। উল্লেখ্য প্ৰধানমন্ত্ৰী নৰেন্দ্ৰ মোদীয়ে ১৪ ডিচেম্বৰত উৎসৱৰ উদ্বোধনী অনুষ্ঠানত উপস্থিত আছিল।স্বামী মহাৰাজ শতাব্দী মহোৎসৱ গুজৰাটত ১৫ জানুৱাৰীলৈকে চলিব।
আৰক্ষীয়ে প্ৰকাশ কৰা অনুসৰি দুৰ্ঘটনাটোত আহতৰ সংখ্যা ২৮ জন। তেওঁলোকৰ ভিতৰত ১১ জনক স্থানীয় ব্যক্তিগত চিকিৎসালয়ত ভৰ্তি কৰোৱা হৈছে।
আৰক্ষীয়ে কয় যে দুৰ্ঘটনাটোৰ পিছত বাছখনৰ চালকজন হৃদৰোগত আক্ৰান্ত হয়। তেওঁক চিকিৎসালয়লৈও লৈ যোৱা হৈছে। আহতসকলৰ বহু কেইজনৰ অৱস্থা সংকটজনক।
Continue Reading
