ডিজিটেল ডেস্কঃ “ভেলেন্টাইন ডে’ত গৰুক সাৱটি ধৰিব লাগে বুলি কোৱা হৈছে। গৰুটোৱে যদি লাঠ মাৰি দিয়ে তেতিয়া কি হ’ব?’’ এই প্ৰশ্ন উত্থাপন কৰিলে পশ্চিম বংগৰ মুখ্যমন্ত্ৰী মমতা বেনাৰ্জীয়ে। পশ্চিমবংগৰ বিধানসভাত এইদৰে কেন্দ্ৰীয় চৰকাৰক কটাক্ষ কৰিছে মমতাই।
কিছুদিন পূৰ্বে কেন্দ্ৰীয় পশু কল্যাণ ব’ৰ্ডে এক লিখিত বিবৃতিত কয় যে ভেলেণ্টাইন ডে’ত গৰুক সাৱটি ধৰিব লাগে। পিছলৈ কেন্দ্ৰীয় চৰকাৰৰ অধীনস্থ এই সংগঠনটোৱে সমালোচনাৰ সন্মুখীন হৈ এই সিদ্ধান্তৰ পৰা আঁতৰি আহিছিল।
মমতাই কয়, "গৰুক সাৱটি ধৰাৰ আগতে ১০ লাখ টকাৰ বীমা কৰক। আমি নিশ্চয় আঁকোৱালি লম।” লগতে গৰুৰ বাহিৰেও ম’হৰ কথা চিন্তা কৰিবলৈও কেন্দ্ৰক অনুৰোধ জনায় তেওঁ।
Continue Reading
