মহানগৰীত ড্ৰাগছ বিৰোধী অভিযান! ড্ৰাগছসহ দুই লাখ টকা আৰু বাহন জব্দ, গ্ৰেপ্তাৰ ১

ডিজিটেল ডেস্কঃ  মহানগৰীৰ কটাবাৰীত SOG আৰু ISBT আৰক্ষীয়ে চলালে ড্ৰাগছ বিৰোধী অভিযান। ACP নিলোৎপল শইকীয়াৰ নেতৃত্বত চলিছিল এই অভিযান। অভিযানত জব্দ চাৰি পেকেট ড্ৰাগছৰ লগতে দুই লাখ টকা আৰু এখন চাৰিচকীয়া চুইফ্ট বাহন।

ISBT আৰক্ষীয়ে গ্ৰেপ্তাৰ কৰে এজন সৰবৰাহকাৰীক। ড্ৰাগছ সৰবৰাহকাৰীটোৰ নাম সাজু ৰহমান লস্কৰ।

ধৃত ড্ৰাগছ সৰবৰাহকাৰীটোৰ ঘৰ শিলচৰত। বাহনখনৰ নম্বৰ ML04C7190।।

উল্লেখ্য যে শিলচৰৰ পৰা এজন ব্যক্তিয়ে সন্দেহযুক্ত হেৰ’ইন কঢ়িয়াই অনাৰ বিশ্বাসযোগ্য তথ্য লাভ কৰাৰ লগে লগে গড়চুক থানাৰ এটা দলে এচিপি আজাৰাৰ নেতৃত্বত আইএছবিটিৰ সমীপত তালাচী চকী স্থাপন কৰে।

এই তালাচীত ML04C7190 পঞ্জীয়ন নম্বৰ থকা সন্দেহযুক্ত বাহনখন জব্দ কৰে আৰক্ষীয়ে। পুংখানুপুংখভাৱে তালাচী চলাই গাড়ীখনৰ পৰা মুঠ প্ৰায় ৪৫ গ্ৰাম ওজনৰ সন্দেহযুক্ত হেৰ’ইন থকা ৪টা চাবোনৰ বাকচ আৰক্ষীয়ে জব্দ কৰে। লগতে বাহনখনৰ পৰা দুই লাখ টকা উদ্ধাৰ কৰি যথাযথ আইনী আনুষ্ঠানিকতাৰে জব্দ কৰে।  সাজু ৰহমান লস্কৰক গ্ৰেপ্তাৰ কৰি তদন্ত অব্যাহত ৰাখিছে আৰক্ষীয়ে।