ডিজিটেল ডেস্কঃ ৰাষ্ট্ৰই কাঢ়ি লৈ গৈছে শিশুটিক। তেওঁ অকলে যুঁজিছে। শেহতীয়াকৈ ৰাণী মুখোপাধ্যায়ক ‘মিচেছ চেটাৰ্জী ভাৰ্চাছ নৰৱে’ ছবিখনত এনে এগৰাকী যুঁজাৰু মাতৃৰ চৰিত্ৰত দেখা গৈছিল। বাস্তৱ জীৱনত সন্তানৰ সৈতে হোৱা এনেধৰণ অভিজ্ঞতাৰ কথাও কয় অভিনেত্ৰীগৰাকীয়ে।
ৰাণীয়ে ২০১৫ চনত প্ৰথমবাৰৰ বাবে মাতৃত্বৰ সোৱাদ লৈছিল। পাঁচ বছৰৰ পাছত পুনৰ গৰ্ভৱতী হয় অভিনেত্ৰীগৰাকী। বছৰটো ২০২০ চন। কিন্তু ৰাণীৰ সন্তানে কেতিয়াও দিনৰ পোহৰ দেখা নাপালে। পাঁচ মাহত তাইৰ গৰ্ভপাত হৈছিল। জীৱনৰ এই দুৰ্ঘটনাৰ বিষয়ে মুকলিকৈ ক’লে অভিনেত্ৰীগৰাকীয়ে।
শেহতীয়াকৈ ৰাণীয়ে মেলবৰ্ণ ভ্ৰমণ কৰিছিল। তাত অনুষ্ঠিত ভাৰতীয় চলচ্চিত্ৰ মহোৎসৱত তেওঁ মুখ্য বক্তা আছিল। তাতেই অভিনেত্ৰীগৰাকীয়ে প্ৰথমবাৰৰ বাবে গৰ্ভপাতৰ বিষয়ে মুকলিকৈ ক’লে। ২০২০ চনত মহামাৰীৰ সময়ত ৰাণীয়ে গৰ্ভৱতী হৈছিল যদিও পাঁচ মাহৰ পিছত সন্তানটো হেৰুৱাইছিল। তাৰ ঠিক পিছতেই আৰম্ভ হ’ল ‘মিচেছ চেটাৰ্জী বনাম নৰৱে’ ছবিখনৰ শ্বুটিং।
এক সাক্ষাৎকাৰত ৰাণীয়ে কয়, "এই কথা মই প্ৰথমবাৰৰ বাবে সকলোৰে সন্মুখত এই কথা ক'লোঁ। আচলতে আজিকালি আমি যিয়েই নকৰোঁ, সকলোৱে ভাবে যে আমি ছবিৰ প্ৰচাৰৰ স্বাৰ্থত কৈছো বা কৰিছো। গতিকে মোৰ ছবিখনৰ প্ৰচাৰৰ সময়ত মই ইচ্ছাকৃতভাৱে এই কথা কোৱা নাছিলো।’’
গৰ্ভপাতৰ ১০ দিনৰ পিছত ‘মিচেছ চেটাৰ্জী ভাৰ্চাছ নৰৱে’ৰ প্ৰস্তাৱ দিয়া হৈছিল। যদিও ছবিখনৰ পৰিচালক বা প্ৰযোজকে নাজানিছিল অভিনেত্ৰীগৰাকীৰ এই বেদনাৰ কথা। অৱশ্যে ছবিখনত দেৱীকা চেটাৰ্জীৰ চৰিত্ৰত ৰাণীৰ অভিনয়ক অতিশয় প্ৰশংসা কৰা হৈছে।
ৰাণীয়ে ২০১৪ চনত আদিত্য চোপ্ৰাৰ সৈতে বিবাহপাশত আবদ্ধ হৈছিল। ইটালীত ঘনিষ্ঠ আত্মীয় আৰু বন্ধু-বান্ধৱীৰ সৈতে এই বিবাহ অনুষ্ঠান উদযাপন কৰা হয়। তেওঁলোকৰ কন্যা আদিৰাকো প্ৰচাৰৰ পৰা আঁতৰাই ৰাখি ডাঙৰ-দীঘল কৰা হৈছে।
Continue Reading
