ডিজিটেল ডেস্কঃ অভয়াৰণ্যত ধূমপান নকৰিবলৈ কোৱাৰ পিছতে এগৰাকী মহিলাই বনকৰ্মীৰ কাণত কামুৰি তেজ নিগৰালে। এফআইআৰ দাখিল কৰাৰ পিছত অভিযুক্তক বিচাৰি আছে আৰক্ষীয়ে ।
শনিবাৰে বিয়লি উত্তৰ প্ৰদেশৰ কুক্ৰাইল জংঘলত সংঘটিত হোৱা এই ঘটনাৰ এদিন পিছত বিষয়টো পোহৰলৈ অহাৰ পিছত গুদাম্বা থানাত গোচৰ ৰুজু কৰা হয়।
ঠিকাভিত্তিক বন কৰ্মচাৰী বিকাশ (২২) নামৰ যুৱকজনে জনোৱা মতে, কুক্ৰাইল বনাঞ্চলত তেওঁ ৰখাই থোৱা স্কুটি এখনত এহাল দম্পতীয়ে ধূমপান কৰা দেখা পায়।
“মই তেওঁলোকক ধূমপান নিষিদ্ধ কৰিছিলো যাৰ বাবে তেওঁলোকে মোৰ সৈতে তৰ্ক কৰিবলৈ আৰম্ভ কৰিছিল। তেওঁলোকে মোক আক্ৰমণ কৰিলে। পিছত মহিলাগৰাকীয়ে মোৰ কাণখন কামুৰি পেলালে। আশে-পাশে কোনো নথকাৰ বাবে মই সহায় বিচাৰি চিঞৰিবলৈ ধৰিলোঁ। মোৰ সহায়ৰ বাবে চিঞৰা শুনি তেওঁলোকে দুচকীয়া বাহনখনেৰে সেই স্থানৰ পৰা পলায়ন কৰে।’-তেওঁ আৰক্ষীক জনায়।
গুডাম্বাৰ এছ এইচ অ’ নীতিশ কুমাৰ শ্ৰীবাস্তৱে কয় যে মহিলাগৰাকীয়ে বনকৰ্মীজনৰ সোঁ কাণখন কামুৰি পেলাইছে আৰু আৰক্ষীয়ে অভিযুক্তৰ সন্ধানত অব্যাহত ৰাখিছে। এছ এইচ অ’ই লগতে কয়, ‘বাহন নম্বৰৰ ভিত্তিত দম্পতীহালৰ বিৰুদ্ধে আই পি চি ৩২৩ (স্বেচ্ছাই আঘাত কৰা) আৰু ৩২৪ (বিপজ্জনক অস্ত্ৰৰে আঘাত কৰা)ৰ অধীনত এফ আই আৰ পঞ্জীয়ন কৰা হৈছে।
Continue Reading
