ডিজিটেল ডেস্কঃ কলেষ্টেৰলৰ নাম শুনি আমি অনুভৱ কৰোঁ যে ই বেয়া বস্তু, কিন্তু জানি লওক যে ই ভাল আৰু বেয়া দুয়োটা ধৰণৰ। শৰীৰত সুস্থ কোষ গঠন কৰিবলৈ তেজত ভাল কলেষ্টেৰলৰ প্ৰয়োজন হয়, কিন্তু বেয়া কলেষ্টেৰলৰ পৰিমাণ অৰ্থাৎ এল ডি এলৰ পৰিমাণ বৃদ্ধি হ’লে শিৰাত চৰ্বি জমা হ’বলৈ ধৰে, যাৰ ফলত তেজৰ সোঁতত বাধাৰ সৃষ্টি হয়। কেতিয়াবা কলেষ্টেৰল বেছি হ’লে তেজ জমা হয়। এই বিপদৰ পৰা হাত সাৰিবলৈ হ’লে স্বাস্থ্যসন্মত খাদ্য আৰু জীৱনশৈলী গ্ৰহণ কৰিব লাগিব। যদি শৰীৰে কিছুমান বিশেষ ইংগিত দেখাবলৈ আৰম্ভ কৰে, তেন্তে বুজিব যে এতিয়া সজাগ হোৱাৰ প্ৰয়োজন আছে।
হাই কলেষ্টেৰলৰ সতৰ্কবাণী
১/ উচ্চ ৰক্তচাপঃ শৰীৰত বেয়া কলেষ্টেৰল বৃদ্ধি হোৱাটো উচ্চ ৰক্তচাপৰ সৈতে প্ৰত্যক্ষভাৱে জড়িত। তেজত যিমানেই চৰ্বি বাঢ়িব সিমানেই ৰক্তচাপ বাঢ়িব। ইয়াৰ বাবেই যেতিয়া কলেষ্টেৰলৰ বাবে তেজৰ যোগানত বাধা আহি পৰে তেতিয়া ধমনীবোৰে অধিক কষ্ট কৰি হৃদযন্ত্ৰলৈ তেজ পাম্প কৰিব লগা হয়।
২/ ভৰিৰ জঠৰতাঃ যেতিয়া আপোনাৰ ভৰি দুখন জঠৰতা হ’বলৈ আৰম্ভ কৰে তেতিয়া একেবাৰেই সহজভাৱে ল’ব নালাগে, ই উচ্চ কলেষ্টেৰলৰ লক্ষণ হ’ব পাৰে। অৰ্থাৎ ধমনীসমূহৰ মাজেৰে তেজৰ সোঁত আৰু অক্সিজেন যোগানত বাধাৰ সৃষ্টি হয়। ভৰিৰ এই বিষ আৰু জঠৰতাক সহজভাৱে লব নালাগে।
৩/ নখৰ ৰং সলনিঃ যেতিয়া শৰীৰত বেয়া কলেষ্টেৰলৰ পৰিমাণ বৃদ্ধি পায়, তেতিয়া আপোনাৰ ধমনীত চৰ্বি জমা হ’বলৈ আৰম্ভ কৰে, যাৰ ফলত শিৰাত তেজৰ সোঁত বন্ধ হৈ পৰে। হাতৰ আঙুলি আৰু ভৰিৰ আঙুলিত সঠিকভাৱে তেজৰ যোগান নথকাৰ বাবে নখৰ ৰং শেঁতা বগা পৰা বা হালধীয়া হ’বলৈ আৰম্ভ কৰে। কলেষ্টেৰল বৃদ্ধিৰ এই লক্ষণটো একেবাৰেই আওকাণ নকৰিব।
Continue Reading
