ডিজিটেল ডেস্কঃ প্ৰতি বছৰে ৪ ফেব্ৰুৱাৰীত ‘বিশ্ব কৰ্কট দিৱস’ উদযাপন কৰা হয়, যাৰ উদ্দেশ্য হৈছে এই মাৰাত্মক ৰোগৰ বিষয়ে সজাগতা সৃষ্টি কৰা আৰু ইয়াৰ চিকিৎসাৰ ওপৰত গুৰুত্ব দিয়া। স্তন কেন্সাৰো এনেকুৱা এটা ৰোগ, যিটো সমগ্ৰ বিশ্বতে মহিলাসকল বলি হৈ আছে, ইয়াৰ পৰা আঁতৰি থকাটো অতি প্ৰয়োজনীয়।
দিনক দিনে ব্ৰেষ্ট কেন্সাৰ বা স্তন কেন্সাৰৰ ৰোগীৰ সংখ্যা বৃদ্ধি পাইছে। ইয়াৰ বাবে সুস্থ জীৱনশৈলী গ্ৰহণ কৰি ধূমপান বন্ধ কৰিব লাগিব। ইয়াৰ বাহিৰেও যদি আপুনি দৈনন্দিন খাদ্য তালিকাত কিছুমান বিশেষ স্বাস্থ্যসন্মত খাদ্য অন্তৰ্ভুক্ত কৰে তেন্তে স্তন কেন্সাৰৰ সম্ভাৱনা বহু পৰিমাণে হ্ৰাস পাব পাৰে।
মহিলাসকলে ব্ৰেষ্ট কেন্সাৰৰ পৰা বাচি থাকিবলৈ কি কি খাব লাগে জানো আহক
১) সেউজীয়া শাক-পাচলি- সেউজীয়া শাক-পাচলিক সদায় স্বাস্থ্যসন্মত খাদ্যৰ তালিকাত অন্তৰ্ভুক্ত কৰা হয়। ২০১২ চনত জাৰ্নেল অৱ দ্য নেচনেল কেন্সাৰ ইনষ্টিটিউটত প্ৰকাশিত এক অধ্যয়নত দেখা গৈছে যে যিসকল মহিলাই বেছিকৈ গাঢ় সেউজীয়া ৰঙৰ শাক-পাচলি খায় তেওঁলোকৰ স্তন কেন্সাৰ হোৱাৰ সম্ভাৱনা কম।
২) মাহ জাতীয় খাদ্য- মাহ জাতীয় খাদ্যত ভিটামিন, খনিজ পদাৰ্থ আৰু আঁহ পোৱা যায় যিয়ে ইয়াক অতি স্বাস্থ্যসন্মত খাদ্য হিচাপে গঢ়ি তোলে। ইয়াৰ দ্বাৰা কেৱল স্তন কেন্সাৰ প্ৰতিৰোধ কৰাই নহয়, ইতিমধ্যে এই ৰোগত আক্ৰান্ত মহিলাসকলৰ ওজন নিয়ন্ত্ৰণতো সহায়ক হয়। ইয়াৰ বাবে ৰাজমাহ. বুটমাহ, লুবিয়া, বুটদাইল আদি খাব
৩) ক্ৰুচিফেৰাছ পাচলি- মহিলাসকলে ক্ৰুচিফেৰাছ শাক-পাচলি খাব লাগে, য’ত আইছ’থাইঅ’চাইনেট আৰু ইণ্ড’ল নামৰ ফাইটোকেমিকেল পোৱা যায়। ইয়াৰ বাবে খাব লাগিব বন্ধাকবি, ফুলকবি, ওলকবি, ব্ৰকলি, চালগোম, মূলা আদি।
৪) চৰ্বিযুক্ত মাছ- চৰ্বিযুক্ত মাছত প্ৰচুৰ পৰিমাণে ওমেগা-৩ ফেটি এচিড, চেলেনিয়াম আৰু এণ্টিঅক্সিডেণ্ট থাকে যিয়ে কেন্সাৰৰ পৰা সুৰক্ষা প্ৰদান কৰে। 
৫) এলিয়াম পাচলি- এলিয়াম পাচলিত অৰ্গেন’ছালফাৰ যৌগিক ফ্লেভন’ইড আৰু এণ্টিঅক্সিডেণ্টকে ধৰি বহু ধৰণৰ পুষ্টিকৰ উপাদান থাকে যিয়ে স্তন কেন্সাৰ বৃদ্ধি হোৱাত বাধা দিয়ে। এই তালিকাত পিয়াঁজ আৰু নহৰুৰ দৰে পাচলি অন্তৰ্ভুক্ত কৰা হৈছে।
Continue Reading
