ডিজিটেল ডেস্কঃ আমাৰ শৰীৰৰ বাবে কলেষ্টেৰল অতি গুৰুত্বপূৰ্ণ কিন্তু যদি আপোনাৰ কলেষ্টেৰলৰ মাত্ৰা বৃদ্ধি পাইছে, তেন্তে প্ৰথমে আপুনি আপোনাৰ খাদ্য তালিকাত কিছুমান গুৰুত্বপূৰ্ণ পৰিৱৰ্তন কৰা উচিত। শৰীৰত বেয়া কলেষ্টেৰল বৃদ্ধি মানে হৃদৰোগৰ সম্ভাৱনা। উচ্চ কলেষ্টেৰলৰ ফলত ষ্ট্ৰোকৰ সম্ভাৱনা বৃদ্ধি পায়।
যদি আপুনি হৃদযন্ত্ৰৰ সমস্যাৰ পৰা আঁতৰি থাকিব বিচাৰে তেন্তে সময়ত কলেষ্টেৰল নিয়ন্ত্ৰণ কৰাটো অতি প্ৰয়োজনীয়। বহু লোকে বৃদ্ধি পোৱা কলেষ্টেৰলৰ মাত্ৰা কেনেকৈ হ্ৰাস কৰিব বা পৰিচালনা কৰিব লাগে নাজানে। কলেষ্টেৰল কমাবলৈ ঔষধ আৰু ব্যায়ামৰ লগতে খাদ্যৰ ক্ষেত্ৰতো বিশেষ যত্ন লোৱাটো গুৰুত্বপূৰ্ণ। কিছুমান দৈনন্দিন খোৱা-বোৱাৰ অভ্যাসে কলেষ্টেৰলৰ মাত্ৰা বৃদ্ধি কৰিব পাৰে। কলেষ্টেৰল নিয়ন্ত্ৰণত ৰাখিবলৈ হ'লে কি কি কৰিব লাগে জানি লওক
১) শাক-পাচলি বেছিকৈ খাওকঃ খাদ্যত প্ৰচুৰ পৰিমাণে শাক-পাচলি অন্তৰ্ভুক্ত নকৰিলেও আপোনাৰ ক্ষতি হয়। ব্ৰকলি আৰু ফুলকবিৰ দৰে ক্ৰুচিফেৰাছ শাক-পাচলি খাদ্যত অন্তৰ্ভুক্ত কৰক। ইয়াৰ ফলত বেয়া কলেষ্টেৰলৰ মাত্ৰা হ্ৰাস কৰাত সহায়ক হ’ব।
২) ব্যায়াম কৰকঃ কলেষ্টেৰল নিয়ন্ত্ৰণ কৰিবলৈ হ'লে ব্যায়াম কৰিবই লাগিব। পুৱা-গধূলি খোজ কঢ়াৰ অভ্যাসো গঢ়ি তোলক।
৩) আঁহযুক্ত বস্তু খাব লাগেঃ খাদ্যত ফেট থকা বস্তু কম কৰক আৰু আঁহযুক্ত বস্তু খাওক। ইয়াৰ দ্বাৰা কলেষ্টেৰল হ্ৰাস কৰাত সহায়ক হ’ব। যদি আপোনাৰ ওজন বাৰে বাৰে বৃদ্ধি হয় আৰু কমি থাকে তেন্তে ই হৃদযন্ত্ৰৰ ৰোগৰ সম্ভাৱনা বৃদ্ধি কৰিব।
৪) এইবোৰ বস্তু খাদ্যত অন্তৰ্ভুক্ত কৰকঃ খাদ্যত ওটছ, বাৰ্লি, আপেল, বীন আৰু চিয়া চীডছ অন্তৰ্ভুক্ত কৰক। পৰ্যাপ্ত পৰিমাণৰ দ্ৰৱণীয় আঁহ গ্ৰহণ কৰক। ইয়াৰ দ্বাৰা কলেষ্টেৰলৰ মাত্ৰা নিয়ন্ত্ৰণ কৰাত সহায়ক হ’ব।
৫ ) স্বাস্থ্যকৰ চৰ্বি ল'ব লাগিবঃ খাদ্যত ফেট নাখাব, কিন্তু দৈনন্দিন খাদ্যত অন্যান্য স্বাস্থ্যকৰ চৰ্বি অন্তৰ্ভুক্ত কৰক। খাদ্যত বাদাম, এভোকেডো অন্তৰ্ভুক্ত কৰিব লাগে।
৬) চৰ্বিযুক্ত মাংস নাখাবঃ মাংসক প্ৰটিন, ভিটামিন আৰু খনিজ পদাৰ্থৰ উত্তম উৎস বুলি গণ্য কৰা হয় যদিও কিছুমান বস্তুত সংপৃক্ত চৰ্বিৰ পৰিমাণ বেছি। অতিৰিক্তভাৱে চেচুৰেটেড ফেট সেৱন কৰিলে কলেষ্টেৰলৰ মাত্ৰাত প্ৰভাৱ পৰে।
৭) মিঠা বস্তু কমকৈ খাব লাগেঃ মিঠা আৰু বেছি চেনিযুক্ত বস্তু খালেও শৰীৰৰ ভাল কলেষ্টেৰল কমি যায় আৰু বেয়া কলেষ্টেৰল বৃদ্ধি পায়। চেনি যোগ কৰা বস্তুৰ পৰিৱৰ্তে মিঠা ফল খাবলৈ যত্ন কৰিব।
Continue Reading
