ডিজিটেল ডেস্কঃ মডেল দিব্যা পাহুজাক মৃত অৱস্থাত উদ্ধাৰ কৰা হৈছে। আৰক্ষীয়ে প্ৰকাশ কৰা অনুসৰি , শনিবাৰে হাৰিয়ানাৰ ভাক্ৰা খালৰ পৰা দিব্যাৰ মৃতদেহ উদ্ধাৰ কৰা হৈছে ।মডেলগৰাকীৰ মৃতদেহ উদ্ধাৰৰ পিছতে সমগ্ৰ এলেকাটোতে মানুহৰ মাজত কৌতূহল বিয়পি পৰে। আৰক্ষীয়ে তদন্ত চলাই মডেলগৰাকীৰ হত্যাকাৰী বুলি সন্দেহ কৰা ৰবি ভাঙ্গাক কলকাতা বিমানবন্দৰৰ পৰা গ্ৰেপ্তাৰ কৰিবলৈ সক্ষম হৈছে।
উল্লেখ্য গুৰুগ্ৰাম গেংষ্টাৰ সন্দীপ গাদোলীৰ হত্যাৰ গোচৰৰ মডেলগৰাকী এগৰাকী গুৰুত্বপূৰ্ণ সাক্ষী আছিল। কোৱা হয় যে পাহুজা সন্দীপৰ প্ৰেমিকা আছিল।
দিব্যা আনকি সন্দীপৰ মৃত্যুৰ গোচৰৰ সন্দৰ্ভত কিছু দিনৰ বাবে কাৰাগাৰতো আছিল। তেওঁক যোৱা বছৰ জামিন দিয়া হৈছিল। জানিব পৰা মতে তেওঁ গোচৰটোৰ এগৰাকী সাক্ষী হৈ পৰিছিল। দিব্যাৰ ভনীয়েকে অভিযোগ কৰিছে যে তেওঁৰদিব্যাই ২ জানুৱাৰীত অভিজিতৰ সৈতে বাহিৰলৈ গৈছিল।
আৰক্ষীয়ে ঘটনাটোৰ তদন্ত আৰম্ভ কৰিছে। অভিজিত নামৰ লোক এজনে আন কেইজনমানৰ সৈতে মিলি মডেলগৰাকীক হত্যা কৰা বুলি আৰক্ষীয়ে সন্দেহ কৰিছে। অভিজিত গুৰুগ্ৰামৰ এখন হোটেলৰ মালিক। জানিব পৰা মতে হোটেলখনৰ চিচিটিভিটো মৃতদেহ টানি নিয়াৰ দৃশ্য ধৰা পৰিছে।
Continue Reading
