হাজোত মহিলাৰ আ*ত্মহ*ত্যা! হত্যাৰ সন্দেহত স্বামীৰ ঘৰ জ্বলাই দিলে শহুৰেকৰ পৰিয়ালে

ডিজিটেল ডেস্কঃ হাজোত সংঘটিত হৈছে ভয়ংকৰ কাণ্ড। হাজোৰ নতুন দিহিনাত ইমৰান আলী নামৰ এজন লোকৰ ঘৰত অগ্নিসংযোগ। জুইৰ ফলত ঘৰখন ৰূপে ধ্বংস হয়।

শহুৰেকৰ পৰিয়ালৰ লোকে জ্বলাই দিলে ইমৰান আলীৰ বাসগৃহ। ইমৰান আলীয়ে নিজৰ পত্নীক হত্যাৰ সন্দেহত পত্নীৰ মাতৃগৃহৰ লোকে সংঘটিত কৰিলে এই কাণ্ড।

আজি পুৱাৰ ভাগত বিহ পান কৰি ইমৰান আলীৰ পত্নী আনোৱাৰা বেগমে কৰিছিল আত্মহত্যা। এই আত্মহত্যাক হত্যাৰ সন্দেহ কৰি আনোৱাৰাৰ পৰিয়ালে জোঁৱায়েকৰ ঘৰৰ আচবাব লণ্ডভণ্ড কৰাৰ লগতে জ্বলাই দিলে বাসগৃহ।

ইতিমধ্যে ঘটনাস্থলীত উপস্থিত হৈ দুখনকৈ অগ্নিনিৰ্বাপক বাহিনীৰ বাহনে নিৰ্বাপন কৰিছে জুই।

উপস্থিত হয় হাজো আৰক্ষীৰ লগতে অৰ্ধ সামৰিক বাহিনীৰ বৃহৎ দল। এতিয়া হাজো আৰক্ষীৰ তদন্ততহে ওলাব আচল ৰহস্য কি কাৰণত বিহ পান কৰিলে তিনি সন্তানৰ মাতৃ আনোৱাৰা বেগমে? এই বিহ পান কাৰ্যত আছে নেকি স্বামী ইমৰাণ আলীৰ প্ৰৰোচনা? ঘৰ জ্বলাই দিয়াৰ অধিকাৰ কোনে দিলে ইমৰানৰ শহুৰৰ পৰিয়ালক এই প্ৰশ্ন স্থানীয় ৰাইজৰ।