হাৰ্টএটেক হোৱাৰ ৩টা লক্ষণ আৰু ইয়াৰ পৰা কেনেকৈ হাত সাৰিব পাৰি জানি লওক

ডিজিটেল ডেস্ক : কাৰ্ডিয়াক এৰেষ্ট এনে এটা গুৰুতৰ অৱস্থা য’ত বেছিভাগ লোকেই প্ৰাণ হেৰুৱায়। এই সময়ত হৃদস্পন্দন হঠাতে বন্ধ হৈ যায়। প্ৰতি বছৰে সমগ্ৰ বিশ্বতে এই ৰোগত হাজাৰ হাজাৰ লোকৰ মৃত্যু হয়। কাৰ্ডিয়াক এৰেষ্টত হৃদস্পন্দন হঠাতে বাঢে। সঠিক সময়ত চিকিৎসা লাভ কৰিলে ৰোগীৰ জীৱন ৰক্ষা পৰিব পৰে। এনে অৱস্থাত চিকিৎসা সেৱা নোপোৱালৈকে ৰোগীযক চি পি আৰ দিব লাগে অৰ্থাৎ মুখেৰে উশাহ লৈ দুয়োহাতেৰে বুকুত খুন্দা মাৰিব লাগে।

 ১. হৃদযন্ত্ৰ বন্ধ হোৱাৰ লক্ষণ-

সাধাৰণতে কাৰ্ডিয়াক এৰেষ্ট ইমানে হঠাতে হয় যে আপুনি হয়তো কেতিয়াবা ইয়াৰ লক্ষণসমূহো চিনি নাপাব বা অনুভৱ কৰিব নোৱাৰিব। এনে অৱস্থাত ৰোগীজন হঠাতে অচেতন হৈ পৰে।

* যেতিয়া মগজুলৈ তেজৰ যোগান বন্ধ হয়, তেতিয়া হঠাতে মানুহজন অচেতন হৈ পৰে। পিঠি আৰু কান্ধত থপৰিয়াইও কোনো ধৰণৰ প্ৰতিক্ৰিয়া পোৱা নাযায়।

* ব্যক্তিজনৰ হৃদস্পন্দন হঠাতে অতি বেগেৰে হ’বলৈ ধৰে আৰু তেওঁ স্বাভাৱিকভাৱে উশাহ ল’ব নোৱাৰা হৈ পৰে।

* ভুক্তভোগীৰ পালছ আৰু ৰক্তচাপ বন্ধ হৈ পৰে। এনে অৱস্থাত মগজু আৰু শৰীৰৰ বাকী অংশত তেজ নাপায়।

২. কেনেকৈ ইয়াৰ পৰা হাত সাৰিব পাৰি?

* ইয়াৰ বাবে আপুনি সদায় সজাগ হোৱাটো আটাইতকৈ প্ৰয়োজন। স্বাস্থ্যকৰ খাদ্য খাব লাগে। কম তেল, কম কলেষ্টেৰল আৰু কম কাৰ্বযুক্ত খাদ্য খাব লাগে। মিঠা বস্তু সেৱন কমাই কৰক আৰু শৰীৰ ওজন নিয়ন্ত্ৰণত ৰাখক।

* সুস্থভাৱে জীৱন-যাপন কৰক। খোৱা-বোৱাৰ পৰা আৰম্ভ কৰি শোৱালৈকে জীৱনৰ সকলো কামতে সময় আৰু নীতি-নিয়ম মানি চলক। ইয়াৰ ফলত আপোনাৰ জীৱনৰ ভাৰসাম্য ৰক্ষা পৰিব আৰু হ্ৰাস পাব।

* মদ আৰু চিগাৰেট পৰিহাৰ কৰক, ই আপোনাৰ হৃদযন্ত্ৰৰ সমস্যাৰ সৃষ্টি কৰিব পাৰে। মদ আৰু চিগাৰেট সেৱনে আপোনাৰ স্বাস্থ্যৰ ওপৰত বিৰূপ প্ৰভাৱ পেলাব পাৰে।