ডিজিটেল ডেস্কঃ ১৭ জুনত ষ্ট্ৰীমিং আৰম্ভ হোৱাৰ পৰাই বিগ বছ অ’টিটি ছিজন ২য়ে শিৰোনাম দখল কৰি আহিছে৷শ্ব’টোৰ এংকৰ ছলমান খানে ৰিয়েলিটি শ্ব’ৰ চেটলৈ উভতি আহি প্ৰতিযোগীসকলক যোৱা এসপ্তাহ ধৰি তেওঁলোকৰ প্ৰদৰ্শনৰ বিষয়ে মন্তব্য কৰিছে। অৱশ্যে শেহতীয়াকৈ উইকেণ্ড কা ৱাৰৰ সময়ত তেওঁ ধূমপান কৰা যেন দেখা গৈছিল। বলিউডৰ ছুপাৰষ্টাৰগৰাকীয়ে হাতত চিগাৰেট লৈ থকা ফটো আৰু ভিডিঅ’ও অনলাইনত পোহৰলৈ আহিছে।
উইকেণ্ড কা ৱাৰ খণ্ডৰ বাবে বিগ বছ অ’টিটি ২ মঞ্চলৈ আহিছিল ছলমান খান। প্ৰতিযোগীসকলৰ সৈতে কথা পাতি থাকোঁতে তেওঁ আনুষ্ঠানিক সাজ-পোছাক পিন্ধা দেখা গৈছিল। চেকাৰ চাৰ্ট আৰু পেণ্ট এযোৰ পিন্ধিছিল অভিনেতাগৰাকীয়ে। অৱশ্যে মঞ্চলৈ অহাৰ লগে লগে ছলমানৰ হাতত চিগাৰেট এটা থকা দেখা গ’ল৷এইসমূহ ছবি আৰু ভিডিঅ’বোৰে অতি সোনকালেই ছ’চিয়েল মিডিয়াত বিয়পিবলৈ আৰম্ভ কৰে।
বিগ বছ হৈছে এনে এক খেল য’ত চেলিব্ৰিটি প্ৰতিযোগীৰ এটা দলে এটা নিৰ্দিষ্ট সময়ৰ বাবে বিশেষভাৱে ডিজাইন কৰা ঘৰত একেলগে থাকে। বহিঃজগতৰ পৰা বিচ্ছিন্ন হৈ থকা প্ৰতিযোগীসকলক অহৰহ কেমেৰাৰ দ্বাৰা নিৰীক্ষণ কৰা হয়। তেওঁলোকে বিভিন্ন কাম আৰু খেলত অংশগ্ৰহণ কৰি পুৰস্কাৰ আৰু বিগ বছ হাউছৰ উচ্ছেদৰ পৰা ৰক্ষাকৱচ লাভ কৰে।
উল্লেখযোগ্য যে, ১৭ জুনত বিগ বছ অ’টিটি ২ত ব্লকবাষ্টাৰ এণ্ট্ৰি কৰিছিল ছলমান খানে।তেওঁ বিবি কাৰেন্সীৰ প্ৰৱৰ্তনও কৰিছিল, যিয়ে প্ৰতিযোগীসকলক খেলখনত জীয়াই থকাত সহায় কৰিব। JioCinema ত ষ্ট্ৰীমিং হৈছে BB OTT 2। প্ৰতিযোগী সকল হৈছে পূজা ভাট, অভিষেক মালহান, অবিনাশ সাচদেৱ, মনীষা ৰাণী, জিয়া শংকৰ, জাদ হাদিদ, ফলাক নাজ, চাইৰাছ ব্ৰাচা, বেবিকা ধূৰ্ভে। বিগ বছ অ’টিটি ২ৰ পৰা উচ্ছেদ হোৱা প্ৰথমগৰাকী প্ৰতিযোগী পুনীত ছুপাৰষ্টাৰ।পালক পুৰ্বানী আৰু আলিয়া ছিদ্দিকীকো উচ্ছেদ কৰা হৈছে। ৩ জুলাইৰ খণ্ডটোত আকাংক্ষা পুৰীকো বাহিৰ কৰা হৈছিল।
Continue Reading
