ডিজিটেল ডেস্কঃ লখিমপুৰ খেৰীত দুগৰাকী দলিত ভগ্নীক বলাৎকাৰ কৰকি হত্যা কৰাৰ ঘটনাৰ প্ৰতিক্ৰিয়া মাৰ নৌযাওঁতেই হায়দৰাবাদত সংঘটিত হৈছে আন এক দলব্ধ বলাৎকাৰৰ ঘটনা। হয়দৰাবাদৰ দবীৰপুৰা আৰক্ষীয়ে এগৰাকী নাবালিকা ছোৱালীৰ অপহৰণ আৰু দলবদ্ধ বলাৎকাৰৰ সৈতে জড়িত দুজন অভিযুক্তক গ্ৰেপ্তাৰ কৰিছে৷
সহকাৰী আৰক্ষী আয়ুক্ত মিৰচক জি প্ৰসাদ ৰাৱে কয় যে ১২ ছেপ্টেম্বৰত ভুক্তভোগীগৰাকীয়ে তেওঁৰ ঘৰ এৰি গৈছিল আৰু দুয়োজন অভিযুক্তই তেওঁক চঞ্চলগুড়াৰ এখন হোটেলৰ ওচৰৰ পৰা অপহৰণ কৰিছিল৷ ভুক্তভোগীৰ মাতৃয়ে আৰক্ষীৰ ওচৰত অভিযোগ দাখিল কৰিছিল৷
অজ্ঞাত ব্যক্তিৰ বিৰুদ্ধে অপহৰণ, ধৰ্ষণ আৰু যৌন অপৰাধৰ পৰা শিশুৰ সুৰক্ষা আইনৰ অধীনত গোচৰ পঞ্জীয়ন কৰা হৈছিল। দুয়োজন অভিযুক্তৰ বয়স প্ৰায় ২৬ বছৰ বুলি জানিব পৰা গৈছে। ধৰ্ষণকাৰী দুজনক নাইমথ আহমেদ আৰু তেওঁৰ সহযোগী চৈয়দ বুলি চিনাক্ত কৰা হৈছে।
তেওঁলোক দুয়ো ৰাভিশ আহমেদ মেহদী শ্বাহ কলনিৰ বাসিন্দা, অভিযোগ অনুসৰি এগৰাকী ১৪ বছৰীয়া কিশোৰীগৰাকীক অপহৰণ কৰি প্ৰথমে শ্ৰুজানা ষ্টে ইন হোটেল আৰু থ্ৰি কেচেল ডিলাক্স লজলৈ লৈ যোৱা হৈছিল।
অভিযুক্ত ব্যক্তিসকলে ছোৱালীজনীক টোপনিৰ টেবলেট খুৱাই ধৰ্ষণ কৰিছিল বুলি অভিযোগ কৰা হৈছে।বলাৎকাৰী দুজনৰ পৰা এখন গাড়ী উদ্ধাৰ কৰা হৈছে।
Continue Reading
