ডিজিটেল ডেস্কঃ বীজক স্বাস্থ্যৰ বাবে অতি উপকাৰী বুলি গণ্য কৰা হয়। ইয়াত বহু ধৰণৰ পুষ্টিকৰ উপাদান পোৱা যায়। সকলো ধৰণৰ বীজত আঁহ, প্ৰটিন, প্ৰয়োজনীয় ভিটামিন আৰু খনিজ পদাৰ্থ প্ৰচুৰ পৰিমাণে পোৱা যায়। বীজে আপোনাৰ হজম শক্তিক সহায় কৰে আৰু ইয়াক ওজন পৰিচালনা কৰা আৰু ছালৰ স্বাস্থ্য উন্নত কৰাৰ লগতে সামগ্ৰিক হৃদযন্ত্ৰৰ স্বাস্থ্য আৰু হাড়ৰ স্বাস্থ্যৰ বাবে উপকাৰী বুলি গণ্য কৰা হয়। কিন্তু কোনবোৰ বীজক আপোনাৰ বাবে উপকাৰী বুলি গণ্য কৰা হয় জানেনে?
জানো আহক
১) চিয়া ছিডছ- ওমেগা-৩ ফেটি এচিডযুক্ত এই স্বাস্থ্যকৰ বীজ আপোনাৰ হৃদযন্ত্ৰ আৰু মগজুৰ বাবে উপকাৰী। গৱেষণাৰ মতে এই ছুপাৰফুডত প্ৰচুৰ পৰিমাণে ওমেগা-৩ আৰু ওমেগা-৬ ফেটি এচিড থাকে, যিবোৰ নিম্ন ৰক্তচাপ আৰু হৃদৰোগৰ বাবে উপকাৰী বুলি বিবেচিত হয়। ইয়াত আঁহৰ পৰিমাণ বেছি, গতিকে ই হজম শক্তিত সহায় কৰে আৰু পেট ভৰি থাকে। তেজৰ চেনিৰ মাত্ৰা নিয়ন্ত্ৰণ কৰাত সহায় কৰে। চিয়া ছিডছ খাবলৈ সৰ্বোত্তম সময় হ’ল ৰাতিপুৱা খালী পেট। ব্ৰেকফাষ্টতো খাব পাৰে। চিয়া ছিডছ ১ চামুচ পানীত ৰাতি বা কমেও ৩০ মিনিট তিয়াই থওক। স্মুদি, পুডিং, অটছ বা ডিটক্স পানীত দিব।
২) ৰঙালাও বীজ- জিংক সমৃদ্ধ ৰঙালাও বীজে ৰোগ প্ৰতিৰোধ ক্ষমতা বৃদ্ধি কৰাত সহায় কৰে। মেগনেছিয়ামৰ পৰিমাণ বেছি হোৱাৰ বাবে ইয়াক খালে মানসিক চাপৰ মাত্ৰা হ্ৰাস পায় আৰু টোপনিৰ মান উন্নত কৰিব পাৰে। প্ৰষ্টেট আৰু হৃদযন্ত্ৰৰ স্বাস্থ্যৰ বাবে উপকাৰী বুলি বিবেচিত হয়। ব্ৰেকফাষ্টত বা জলপান হিচাপে ল’ব পাৰি।
৩) ফ্লেক্স ছিডছ- ফ্লেক্স ছিডছে বিশেষকৈ মহিলাৰ ক্ষেত্ৰত হৰম’নৰ ভাৰসাম্য ৰক্ষা কৰে। ফ্লেক্স ছিডছে স্তন কেন্সাৰৰ সম্ভাৱনা হ্ৰাস কৰিব পাৰে। কোষ্ঠকাঠিন্যত সহায় কৰে আৰু ছালৰ স্বাস্থ্য উন্নত কৰে। ফ্লেক্স ছিডছ সদায় পোৰা আৰু গুড়ি বনাব লাগে, কিয়নো কেঁচা গুটি হজম হোৱাটো কঠিন।
৪) সূৰ্য্যমুখীৰ বীজ- ভিটামিন ইৰে সমৃদ্ধ এই স্বাস্থ্যকৰ বীজবোৰে ছালখন জিলিকি তোলাত আৰু বয়স বৃদ্ধিৰ বিৰুদ্ধে যুঁজ দিয়াত সহায় কৰে। ইয়াত চেলেনিয়াম থাকে, যিয়ে ৰোগ প্ৰতিৰোধ ক্ষমতা বৃদ্ধি কৰে। সূৰ্য্যমুখীৰ গুটিয়ে শৰীৰৰ প্ৰদাহ কমায়।
৫) তিলৰ বীজ- কেলচিয়ামযুক্ত তিল হাড় মজবুত আৰু গাঁঠিৰ স্বাস্থ্যৰ বাবে উপকাৰী। ই হৰম’নৰ ভাৰসাম্য ৰক্ষা কৰে আৰু বিপাকীয় ক্ৰিয়াত সহায় কৰে। চুলি আৰু ছালৰ স্বাস্থ্যৰ বাবে তিল অতি উত্তম বুলি গণ্য কৰা হয়।
