ডিজিটেল ডেস্কঃ ইৰাণৰ হিজাববিৰোধী আন্দোলন মষিমূৰ কৰিবলৈ তীব্ৰ প্ৰচেষ্টা হাতত লৈছে দেশখনৰ শাসকপক্ষই। কমেও ৫৫ জন লোকক ইৰাণৰ প্ৰশাসনে ফাঁচী দিছে বুলি বাতৰি প্ৰকাশ পাইছে।
ইৰাণত কাম কৰা নৰৱে’ৰ এটা মানৱ অধিকাৰ সংস্থা ‘আই এইচ আৰ’ই শেহতীয়াকৈ প্ৰকাশ কৰা এক প্ৰতিবেদনত এই তথ্য লাভ কৰা গৈছে। দেশৰ জনসাধাৰণৰ মাজত আতংক জগাই তোলাৰ বাবে প্ৰশাসনে এই পদক্ষেপ গ্ৰহণ কৰা বুলি দাবী কৰা হৈছে। অৱশ্যে এই ৫৫ জনৰ সকলোৱে হিজাববিৰোধী প্ৰতিবাদত অংশ লোৱা নাই। কিন্তু প্ৰশাসনৰ বিৰুদ্ধে গ’লে ইয়াৰ পৰিণাম কিমান ভয়াৱহ হ’ব পাৰে সেয়া প্ৰমাণ কৰিবলৈকে মৃত্যুদণ্ডৰ হাৰ বৃদ্ধি কৰা বুলি বিভিন্ন মহলে কয়।
আন এটা আন্তঃৰাষ্ট্ৰীয় মানৱ অধিকাৰ সংস্থাই প্ৰকাশ কৰা অনুসৰি, হিজাব প্ৰতিবাদত অংশগ্ৰহণ কৰাৰ অপৰাধত চলিত মাহতে এতিয়ালৈকে চাৰিজন লোকক ফাঁচী দিয়া হৈছে। ইয়াৰে কনিষ্ঠ প্ৰতিবাদকাৰীৰ বয়স ১৮ বছৰ। ফাঁচীৰ পূৰ্বে তেওঁক অমানৱীয় নিৰ্যাতন দিয়া হয় বুলিও সংগঠনটোৱে কয়।
Continue Reading
