ডিজিটেল ডেস্কঃ ইছলাম ধৰ্মৰ প্ৰৱৰ্তক হজৰত মহম্মদ সন্দৰ্ভত কৰা বিতৰ্কিত মন্তব্যক কেন্দ্ৰ কৰি অব্যাহত আছে তীব্ৰ প্ৰতিক্ৰিয়াৰ। এনে আপত্তিজনক মন্তব্যৰ বাবে বিজেপিৰ মুখপাত্ৰ নুপূৰ শৰ্মা আৰু নেতা নবীন জিন্দালৰ প্ৰাথমিক সদস্যপদ বাতিল কৰিছে দলটোৱে। দুয়োৰে বিৰুদ্ধে এফ আই আৰ ৰুজু কৰা হৈছে। এইবাৰ হজৰত মহম্মদ প্ৰসংগত মুখ খুলিছে পাকিস্তানৰ প্ৰাক্তন ক্ৰিকেটাৰ ছোৱেইব আখতাৰে। হজৰত মহম্মদ বিৰুদ্ধে দিয়া মন্তব্যৰ বিৰোধিতা কৰি ভাৰত চৰকাৰে লোৱা সিদ্ধান্তৰ প্ৰশংসাও কৰিছে প্ৰাক্তন পাক ক্ৰিকেটাৰগৰাকীয়ে।
এক টুইটযোগে তেওঁ লিখিছে, ‘হজৰত মহম্মদ প্ৰতি সন্মানেই আমাৰ বাবে সকলো। আমাৰ জীৱন, মৃত্যু আৰু সকলো বস্তু একমাত্ৰ তেওঁৰ বাবেহে। আমাৰ মৰমৰ হজৰত মহম্মদৰ বিৰুদ্ধে অপমানজনক শব্দ ব্যৱহাৰ কৰা সকলক মই তীব্ৰ ভাষাৰে গৰিহণা দিছো। এনে লজ্জাজনক বক্তব্য দিয়া সকলক নিলম্বন কৰাৰ বাবে মই ভাৰত চৰকাৰৰ পদক্ষেপক আদৰণি জনাইছো। এনে লোকৰ বিৰুদ্ধে ব্যৱস্থা ল’ব লাগে যাতে পুনৰ এনে কাম কৰিবলৈ কোনেও সাহস নকৰে।’
Continue Reading
