ডিজিটেল ডেস্কঃ ভাৰত এখন বৈচিত্ৰ্যপূৰ্ণ দেশ। ভাৰতৰ নানা প্ৰান্তত ভিন্ন ৰীতি-নীতি তথা সংস্কৃতি পালন কৰা হয়। বিগত দুটা দিন সমগ্ৰ দেশতে হোলী উদযাপন কৰা হয়। ৰঙৰ আনন্দত মতলীয়া হৈ উঠে সমগ্ৰ দেশ।
হোলীৰ নিয়মো ঠাই ভেদে বেলেগ। কিন্তু এখন গাঁৱত হোলীৰ নীতি-নিয়ম শুনিলে আপুনি আচৰিত হৈ পৰিব। সেই গাঁওখনত হোলীৰ দিনা পুৰুষসকলে শাৰী, আ-অলংকাৰ পিন্ধি মহিলাৰ ৰূপ ধাৰণ কৰে।
অন্ধ্ৰ প্ৰদেশৰ কুৰনুল জিলাৰ আদোনি মণ্ডলৰ সান্থেকুডলুৰ নামৰ এখন গাঁৱত এই বিশেষ পৰম্পৰা পালন কৰি অহা হৈছে। গাঁৱৰ পুৰুষসকলে হোলীৰ দিনটোত অতীজৰে পৰা মহিলাৰ সাজ-পোছাক পৰিধান কৰে। আ-অলংকাৰ পিন্ধে আৰু মূৰত লগায় নানাৰঙী ফুল।
এইদৰে তেওঁলোকে ৰতি মন্মথক আৰাধনা কৰে। ৰতি মন্মথ হৈছে ৰতি আৰু কামদেৱ। ভাৰতীয় সংস্কৃতিত প্ৰেম আৰু কামনাৰ দেৱ-দেৱী হিচাপে ৰতি কামদেৱক আৰাধনা কৰা হয়। কামদেৱৰ আন এটা নাম মন্মথ আৰু ৰতি হৈছে কামদেৱৰ পত্নী।
স্থানীয় লোকৰ মতে, হোলীৰ দিনা ৰতি আৰু কামদেৱক মহিলাৰ সাজ-পোছাক পৰিধান কৰি পুৰুষে পূজা কৰিলে পৰিয়ালসমূহত সুখ আৰু সমৃদ্ধি বৃদ্ধি পায়। পতি-পত্নীৰ মাজত বাঢ়ে মৰম-চেনেহ ফলত সংসাৰখন সুখৰ হৈ উঠে।
Continue Reading
