কেজৰিৱালৰ গ্ৰেপ্তাৰত 'হস্তক্ষেপ'! আমেৰিকা যুক্তৰাষ্ট্ৰৰ দূতক মাতি পঠিয়ালে বৈদেশিক মন্ত্ৰালয়ে

  অৱশ্যে বৈঠকত কি আলোচনা কৰা হৈছিল সেই সন্দৰ্ভত দুয়োপক্ষৰ পৰা কোনো বিবৃতি দিয়া হোৱা নাই । ধাৰণা কৰা হৈছে  যে কেজৰিৱালৰ গ্ৰেপ্তাৰ সন্দৰ্ভত ৱাশ্বিংটনৰ মন্তব্য নতুন দিল্লীয়ে ভালভাবে গ্ৰহণ কৰা  নাই। আমেৰিকা যুক্তৰাষ্ট্ৰৰ ৰাষ্ট্ৰদূতক সেইবাবেই  মাতি পঠিওৱা হৈছিল। 

জাৰ্মানীৰ ৰাষ্ট্ৰদূতকো ভাৰতে একেই কাৰণতে মতাই নিছিল। কৰি আমেৰিকাই মঙলবাৰে কৈছিল  যে তেওঁলোকে কেজৰিৱালৰ গ্ৰেপ্তাৰৰ বিষয়টো  নিৰীক্ষণ কৰি আছে। একে সময়তে আমেৰিকা যুক্তৰাষ্ট্ৰৰ প্ৰশাসনে পৰোক্ষভাৱে নতুন দিল্লীৰ ওপৰত হেঁচা প্ৰয়োগ কৰিঠিল। কেজৰিৱালৰ  বিচাৰ নিৰপেক্ষ, স্বচ্ছ আৰু সময়োপযোগী হ’ব লাগে বুলি আমেৰিকাই কৈছিল। 

 আমেৰিকাই কৈছিল"আমি মুখ্যমন্ত্ৰী কেজৰিৱালৰ বাবে এক নিৰপেক্ষ, স্বচ্ছ আৰু সময়োপযোগী ন্যায়িক প্ৰক্ৰিয়াৰ বাবে অপেক্ষা কৰি আছো’’। জাৰ্মানীয়েও আগতে কেজৰিৱালৰ গ্ৰেপ্তাৰ সন্দৰ্ভত একে ধৰণৰ বিবৃতি জাৰি কৰিছিল। জাৰ্মানীৰ দূতাসৰ পৰা কোৱা হৈছিল  " আমাৰ আশা যে কেজৰিৱাল, যিকোনো অভিযুক্তৰ দৰে এক নিৰপেক্ষ বিচাৰৰ অধিকাৰী হ’ব। তেওঁ কোনো প্ৰতিবন্ধকতা অবিহনে সকলো ধৰণৰ আইনী পথৰ মাজেৰে যাবলৈ সক্ষম হ'ব লাগে। "নতুন দিল্লীয়ে কেজৰিৱালৰ গ্ৰেপ্তাৰত জাৰ্মান হস্তক্ষেপৰ তীব্ৰ বিৰোধিতা কৰিছিল। ভাৰতৰ তৰফৰ পৰা কোৱা হৈছিল "আমি এনে মন্তব্যক আমাৰ ন্যায়িক ব্যৱস্থাত হস্তক্ষেপ আৰু ন্যায়পালিকাৰ স্বাধীনতা হ্ৰাস কৰাৰ প্ৰয়াস হিচাপে অনুভৱ কৰিছো। এয়া  ভাৰতৰ আভ্যন্তৰীণ বিষয়ত এক নিৰ্লজ্জ হস্তক্ষেপ"।