ডিজিটেল ডেস্কঃ কাইলৈ ৰঙৰ উৎসৱ ফাকুৱা । দেশজুৰি উদযাপন কৰা হ’ব হোলী। কিন্তু ৰঙৰ উৎসৱৰ সময়তে দুগৰাকী যুৱতীয়ে দিল্লী মেট্ৰ’ত খেলা হোলীয়ে বহুতকে হতবাক কৰি তুলিছে। হোলী এনেকৈয়ো খেলেনে! ইতিমধ্যে দুই যুৱতীৰ হোলী খেলাৰ ভিডিঅ’ ভাইৰেল হৈ পৰিছে। প্ৰাগ নিউজ ডিজিটেলে অৱশ্যে ভিডিঅ’টোৰ সত্য-সত্যতা পৰীক্ষা কৰি চোৱা নাই। সামাজিক মাধ্যমত ভাইৰেল হৈ পৰা ভিডিঅ'টোত যুৱতীদুগৰাকীয়ে বহি লৈ, বাগৰি, গালে গালে ঘঁহি হোলী খেলা দেখা গৈছে। কেতিয়াবা আকৌ ইজনীয়ে সিজনীৰ ওপৰত ওপৰত শুই পৰাও দেখা গৈছে। 
ভিডিঅ'টো চাই নেটিজেনসকলে দাবী কৰিছে যে এয়া দিল্লী মেট্ৰ'ৰ দৃশ্য । অৱশ্যে, দিল্লী মেট্ৰ' ৰে'ল কৰ্পোৰেশ্যনে (ডিএমআৰচি) ভিডিঅ'টোৰ সত্যতা সম্পৰ্কে সন্দেহ প্ৰকাশ কৰিছে। মেট্ৰ' কৰ্তৃপক্ষই কৈছে যে ভিডিঅ'টো পৰীক্ষা কৰা হৈছে। মেট্ৰ' কৰ্তৃপক্ষই অনুসন্ধান কৰি আছে যে ভিডিঅ'টো সঁচা নে ইয়াক প্ৰযুক্তি ব্যৱহাৰ কৰি সামাজিক মাধ্যমত প্ৰচাৰ কৰা হৈছে। এক বিবৃতিত মেট্ৰ' কৰ্তৃপক্ষই কয়, "ভিডিঅ'টো মুখ্যতঃ মেট্ৰ'ৰ ভিতৰত দৃশ্যগ্ৰহণ কৰা হৈছিল নে নাই সেয়াও সন্দেহজনক।
মেট্ৰ' কৰ্তৃপক্ষৰ মতে মেট্ৰ'ৰ ভিতৰত ৰিল বনোৱা বন্ধ কৰিবলৈ নিৰন্তৰ অভিযান চলি আছে। কাৰণ ৰীল বনালে আন যাত্ৰীসকলৰ সমস্যা হ'ব পাৰে। এই সন্দৰ্ভত সজাগতা অভিযানো নিৰন্তৰভাৱে চলোৱা হৈছে।
ভাইৰেল ভিডিঅ'টোত যুৱতী দুগৰাকীৰ কাণ্ড দেখি একাংশ যাত্ৰীয়ে হাঁহি থকা দেখা গৈছে। নেটিজেনসকলৰ বহুতেই ভিডিঅ'টোত চাই বৰ ৰস পাইছে।একাংশই আকৌ অতিষ্ঠ হৈ যুৱতী দুগৰাকীৰ বিৰুদ্ধে ব্যৱস্থা গ্ৰহণৰ দাবী জনাইছে। দিল্লী মেট্ৰ' ৰেল কৰ্তৃপক্ষই ভিডিঅ'টোৰ সত্যতা পৰীক্ষা কৰি আছে আৰু প্ৰয়োজনত ব্যৱস্থা গ্ৰহণৰ আশ্বাস দিছে।
Continue Reading
