হোলীত কৰক এইসমূহ প্ৰতিকাৰ, সুখ-সমৃদ্ধিৰ লগতে লাভ কৰিব অপাৰ সফলতা

ডিজিটেল ডেস্ক : হোলীলৈ মাজত মাত্ৰ কেইটামান দিন বাকী, ৭ মাৰ্চত হোলিকা দাহন আৰু পিছদিনা অৰ্থাৎ ৮ মাৰ্চত ৰঙেৰে হোলী খেলিব। এই হোলীত বাস্তুশাস্ত্ৰৰ কিছু ব্যৱস্থাই ঘৰলৈ সুখ-সমৃদ্ধিৰ দুৱাৰ মুকলি কৰে আৰু আৰ্থিক সমস্যা দূৰ হোৱাৰ লগতে জীৱনত আপুনি লাভ কৰিব পাৰে অপাৰ সফলতা। বাস্ত্ৰশাস্ত্ৰৰ মতে হোলীৰ সময়ত কৰা বাস্তু ব্যৱস্থাসমূহ অতি ফলপ্ৰসূ। ইয়াৰ ফলত ঘৰৰ বাস্তু দোষৰ অন্ত পৰে আৰু প্ৰতিটো কামতে সফলতা লাভ কৰে।

* বাস্তুশাস্ত্ৰৰ মতে মাছৰ একুৰিয়াম ঘৰৰ উত্তৰ বা উত্তৰ-পূব দিশত ৰাখক। এই দিশটো ধনৰ দেৱতা কুবেৰৰ দিশ বুলি ধৰা হয়। একুৰিয়াম এই দিশত ৰাখিলে ঘৰত সুখ-সমৃদ্ধি বৃদ্ধি পায়।

* হোলীৰ সময়ত ঘৰলৈ আনক বাঁহ গছ। ঘৰত বাঁহ গছ ৰখাটো বাস্তুশাস্ত্ৰত অতি শুভ বুলি গণ্য কৰা হয়। ইয়াৰ ফলত ঘৰৰ নেতিবাচক শক্তি আঁতৰি সুখ-সমৃদ্ধি বৃদ্ধি পায়।

* ঘৰত এটা স্ফটিক কাছ ৰাখিলে ধনাত্মক শক্তিৰ সঞ্চাৰ হয় আৰু অৰ্থনৈতিক অৱস্থা শক্তিশালী হয়।

* ফেংছুইৰ মতে ঘৰত ড্ৰেগনৰ মূৰ্তি ৰাখিলে সকলো ধৰণৰ কুদৃষ্টিৰ পৰা বাছি থাকিব পাৰি। হোলীৰ দিনা ড্ৰেগনৰ প্ৰতিমূৰ্তি ঘৰলৈ আনিব পাৰে।