ডিজিটেল ডেস্কঃ গুজৰাটৰ পৰা আহিছে এক নৃশংস হত্যাৰ ঘটনা৷যোৱা সপ্তাহত গোভাণ্ডিত ১০ হাজাৰ টকাৰ মূল্যৰ খাদ্য বিল ভাগ-বতৰা কৰাৰ বাবে হোৱা কাজিয়াৰ পিছত এজন ১৮ বছৰীয়া যুৱকক হত্যা কৰা বুলি অভিযোগ উত্থাপন হৈছে, অভিযোগ অনুসৰি মৃত ব্যক্তিজনৰ চাৰিজন বন্ধুৱে মিলি হত্যা কৰে, আৰু ইয়াৰে দুজন নাবালক৷
ইয়াৰে ১৯ আৰু ২২ বছৰীয়া আৰু উত্তৰ প্ৰদেশৰ পৰা অহা অভিযুক্ত দুজনক গুজৰাটৰ পৰা গ্ৰেপ্তাৰ কৰাৰ বিপৰীতে নাবালক ল’ৰাকইজনে আৰক্ষীৰ ওচৰত আত্মসমৰ্পণ কৰে আৰু পৰৱৰ্তী সময়ত তেওঁলোকক আটক কৰা হয়৷
শিৱাজী নগৰ আৰক্ষী বিষয়াগৰাকীয়ে জনোৱা মতে, যোৱা ৩১ মে’ত ‘ধাবা’ত জন্মদিনৰ পাৰ্টিৰ আয়োজন কৰিছিল আৰু ধাবাত খাদ্যৰ বিল প্ৰায় ১০ হাজাৰ টকা হৈছিল।
বিল ভাগ-বতৰা কৰাৰ ক্ষেত্ৰত মৃত ব্যক্তিজন আৰু বন্ধুকেইজনৰ মাজত বিবাদৰ সৃষ্টি হয় যদিও প্ৰথমজন বন্ধুৱে পকেটৰ পৰা ধন দি বিষয়টো নিষ্পত্তি কৰে বুলিও তেওঁ আৰক্ষীক জানিবলৈ দিয়ে৷
পাছত চাৰি অভিযুক্তই আন এক জন্মদিনৰ পাৰ্টিৰ আয়োজন কৰি নিজৰ বন্ধুক এই অনুষ্ঠানৰ বাবে নিমন্ত্ৰণ জনায়। কেক খুৱাই দিয়াৰ পিছত তেওঁলোকে বন্ধুজনক একাধিকবাৰ চোকা অস্ত্ৰৰে আক্ৰমণ কৰি হত্যা কৰে৷
ঘটনা পোহৰলৈ অহাৰ পিছত ১৭ বছৰীয়া নাবালক দুজনে আৰক্ষীৰ সন্মুখত আত্মসমৰ্পণ কৰাৰ বিপৰীতে ২ জুনত তেওঁলোকৰ আন দুজন বন্ধুক আহমেদাবাদৰ পৰা মুম্বাইৰ অপৰাধ শাখাই আটক কৰে৷
