ডিজিটেল ডেস্কঃ এখন হোটেলত কোনো অন্য মহিলাৰ সৈতে স্বামীক হাতে-লোটে ধৰিলে পত্নীয়ে। তাৰপাছত যি ঘটনা ঘটিল, সেই ঘটনা ভাইৰেল হৈ পৰিছে ছচিয়েল মিডিয়াত। হোটেলত ৰোমাঞ্চ কৰি বিপদত পৰিল এজন বিবাহিত পুৰুষ। হোটেলৰ বন্ধ কোঠাত লোকজনে অন্য মহিলাৰ সৈতে ৰোমাঞ্চ কৰাত ব্যস্ত আছিল। সেই সময়তে তাত লোকজনৰ পত্নী উপস্থিত হয়। স্বামীক অন্য মহিলাৰ সৈতে দেখি পত্নী খঙত অগ্নিশৰ্মা হৈ পৰে আৰু তেওঁ চেণ্ডেল খুলি স্বামী আৰু মহিলাগৰাকীক প্ৰহাৰ কৰিবলৈ ধৰে। এই সমগ্ৰ ঘটনাৰ ভিডিঅ’টোও ছ’চিয়েল মিডিয়াত ভাইৰেল হৈ পৰিছে।
পতি দীনেশৰ বিৰুদ্ধে পত্নী নীলমে এগৰাকী মহিলাৰ সৈতে অবৈধ সম্পৰ্ক থকাৰ অভিযোগ উত্থাপন কৰিছিল। এই সন্দৰ্ভত দুয়োৰে মাজত ব্যাপক কাজিয়া হৈছিল। ক্ষোভিত নীলেম স্বামীগৃহ এৰি মাতৃগৃহত কিছুদিন থকাকৈ গল। মাতৃগৃহত থাকোতেই নীলমে খবৰ পালে যে স্বামী দীনেশে সেই মহিলাগৰাকীৰ সৈতে হোটেলত আছে। লগে লগে তেওঁ ভায়েকৰ সৈতে হোটেল পালেগৈ। কোঠাটোত সোমোৱাৰ লগে লগে নীলমে দেখিলে যে দীনেশে সেই মহিলাৰ লগত কোঠাত সোমাই থকাটো সঁচা। খঙত নীলমে ভৰিৰ পৰা চেণ্ডেল খুলি প্ৰথমে স্বামীক কোবাই তাৰ পিছত মহিলাগৰাকী কোবাবলৈ ধৰে। সেই সময়ত স্বামীয়ে ক্ষমা খুজি আছিল যদিও নীলমৰ হাত দুখন ৰৈ যোৱা নাছিল।
চাওক ভিডিঅ’
নীলামে যেতিয়া স্বামী আৰু আন মহিলাগৰাকীক চেণ্ডেলেৰে প্ৰহাৰ কৰি আছিল, তেতিয়া তেওঁৰ ভাতৃয়ে এটা ভিডিঅ’ কৰিছিল, যিটো এতিয়া ছ’চিয়েল মিডিয়াত চৰ্চাৰ বিষয় হৈ পৰিছে। ভিডিঅ'টোত দেখিবলৈ পোৱা গৈছে দীনেশে বাৰে বাৰে পত্নীৰ ওচৰত ক্ষমা খুজিছে। তেওঁ কৈ আছে - ভুল হৈ গল। এই ভুল আকৌ নহয়। মাত্ৰ এইবাৰলে মোক ক্ষমা কৰি দিয়়া। মহিলাগৰাকীয়েও নীলমক ক্ষমা খুজি থকা দেখা গৈছে। তেওঁ কান্দি কান্দি কয় – এতিয়াৰ পৰা এনেকুৱা নহয়৷ মোক ক্ষমা কৰি দিয়ক।
এই হাই ভল্টেজ কাজিয়াখন হোটেলত ঘণ্টাৰ পিছত ঘণ্টা ধৰি চলিছিল। আৰক্ষীয়ে এই খবৰ পোৱাৰ লগে লগে সেই স্থানত উপস্থিত হৈ দীনেশ আৰু মহিলাগৰাকীক থানালৈ লৈ যায়। দীনেশ আৰু নীলমৰ এগৰাকী ১৬ বছৰীয়া কন্যা সন্তান আছে। এই ঘটনা সংঘটিত হৈছে উত্তৰ প্ৰদেশৰ আগ্ৰাত।
Continue Reading
