ডিজিটেল ডেস্কঃ হোয়াইট হাউছৰ বন্ধ গেটত খুন্দা মাৰে এখন গাড়ী। দুৰ্ঘটনাস্থলীতে সেই গাড়ীৰ চালকজনৰ মৃত্যু হয়। এই ঘটনাক কেন্দ্ৰ কৰি এক চাঞ্চল্য বিয়পি পৰিছে।
প্ৰশ্ন উত্থাপন হৈছে যে হোয়াইট হাউছৰ কটকটীয়া নিৰাপত্তা ভংগ কৰি গাড়ীখন কেনেকৈ গেটত উপস্থিত হ’ল। আনকি আমেৰিকান আৰক্ষীয়েও কৈছিল যে এয়া কেৱল এক দুৰ্ঘটনা। তাৰ আঁৰত কোনো ভাবুকি নাছিল। ঘটনা সন্দৰ্ভত তদন্ত আৰম্ভ হৈছে।
"আমেৰিকান ছিক্ৰেট চাৰ্ভিচ"ই এই ঘটনাৰ খবৰ দিয়ে। সংস্থাটোৱে এক বিবৃতিত দাবী কৰিছে যে শনিবাৰে স্থানীয় সময় অনুসৰি নিশা প্ৰায় ১০:৩০ বজাত হোৱাইট হাউছৰ বাহিৰৰ এখন গেটত এখন তীব্ৰবেগী গাড়ীয়ে খুন্দা মাৰে।
নিৰাপত্তাৰক্ষীয়ে ততাতৈয়াকৈ ৰক্তাক্ত অৱস্থাত হত্যাকাৰী গাড়ীখনৰ পৰা চালকজনক উদ্ধাৰ কৰে। চিকিৎসালয়লৈ নিয়াৰ সময়ত চিকিৎসকে তেওঁক মৃত বুলি অনা বুলি ঘোষণা কৰে।
তদন্তকাৰী বিষয়াসকলে জনোৱা মতে, গাড়ীখনে নিয়ন্ত্ৰণ হেৰুৱাই দুৰ্ঘটনাটোৰ সৈতে মুখামুখি হয়। এই ঘটনাৰ লগত কোনো ধৰণৰ ভাবুকি জড়িত নহয়।
Continue Reading
