ডিজিটেল ডেস্কঃ পাকিস্তানৰ মহিলা ক্ৰিকেটাৰ আয়েছা নাছিমে ১৮ বছৰ বয়সতে ক্ৰিকেট খেল এৰি দিছে। জীৱনৰ বাকী সময়খিনি তেওঁ ইছলাম অনুসৰণ কৰি কটাব বিচাৰে। সেইবাবেই পাকিস্তানৰ হৈ ৩৪খন আন্তঃৰাষ্ট্ৰীয় মেচ খেলা আয়েছাই হঠাৎ অৱসৰ ল’লে।
বৃহস্পতিবাৰে আয়েছাই নিজৰ সিদ্ধান্তৰ বিষয়ে পাকিস্তান ক্ৰিকেট ব’ৰ্ডক অৱগত কৰে। তেওঁৰ এই অৱসৰ লোৱাৰ সিদ্ধান্তই সমগ্ৰ বিশ্বক আচৰিত কৰি তুলিছে। পাকিস্তান ক্ৰিকেট ব’ৰ্ডক আয়েশাই কয়, ‘মই ক্ৰিকেট খেল এৰিছো। মই জীৱনৰ বাকী সময়খিনি ইছলাম অনুসৰণ কৰি কটাব বিচাৰো।"
উল্লেখ্য যে ২০২০ চনত আন্তঃৰাষ্ট্ৰীয় ক্ৰিকেটত অভিষেক ঘটাইছিল আয়েছাই। তেওঁ ৩০খন টি-২০ আৰু চাৰিখন এদিনীয়া খেলিছিল। টি-২০ত ৩৬৯ ৰান আৰু এদিনীয়া ক্ৰিকেটত ৩৩ ৰান সংগ্ৰহ কৰে। আয়েছাই শেষবাৰৰ বাবে খেলিছিল চলিত বৰ্ষৰ আৰম্ভণিতে।
পাকিস্তানৰ মহিলা ক্ৰিকেটৰ ভৱিষ্যত তাৰকা হিচাপেও তেওঁক গণ্য কৰা হৈছিল। তেওঁৰ আগ্ৰাসী খেল শৈলীয়ে পাকিস্তান ক্ৰিকেটক নতুন আশাৰ সঞ্চাৰ কৰিছিল। কিন্তু আয়েশাৰ হঠাৎ অৱসৰ লোৱা সিদ্ধান্তত পাকিস্তান ক্ৰিকেটত সকলো আচৰিত হৈ পৰিছে।
Continue Reading
