ডিজিটেল ডেস্কঃ সদৌ অসম ৭ বছৰ অনুৰ্দ্ধ আন্ত:জিলা দবা প্ৰতিযোগিতা ২০ জুলাইৰ পৰা আৰম্ভ হৈছে ।এই প্ৰতিযোগিতা ২২ জুলাই, ২০২২লৈ গুৱাহাটীৰ আৰ জি বৰুৱা পথত অৱস্থিত শিক্ষক ভৱনত অনুষ্ঠিত হব। প্ৰতিযোগিতাখন সদৌ অসম দবা সন্থাৰ হৈ গুৱাহাটী দবা একাডেমীয়ে আয়োজন কৰিছে।
প্ৰতিযোগিতা খন ছুইছ লীগ পদ্ধতিত লৰা আৰু ছোৱালী উভয় শাখাত অনুষ্ঠিত হৈছে । এই প্ৰতিযোগিতাৰ পৰাই আগন্তুক অনুৰ্দ্ধ ৭ বছৰৰ ৰাস্ত্ৰীয় দবাত অসমক প্ৰতিনিধিত্ব কৰিবলৈ লৰা আৰু ছোৱালী উভয় শাখাৰ পৰা প্ৰথম দুটা স্হান অধিকাৰ কৰা খেলুৱৈ সকলক বাছনি কৰা হব।
ইতিমধ্যেই অসমৰ বিভিন্ন জিলাৰ পৰা মুঠ ৫১ জন খেলুৱৈয়ে অংশগ্ৰহণ নিশ্চিত কৰিছে। ডিব্ৰুগড়, চৰাইদেউ, শিবসাগৰ, যোৰহাট, শোণিতপুৰ, নগাঁও, নলবাৰী, কৰিমগঞ্জ, কাছাৰ, কামৰূপ (গ্ৰাম্য) আৰু গুৱাহাটী জিলাই ইতিমধ্যে
যোগদান কৰিছে।
২০জুলাই তাৰিখে ২ বজাত প্ৰতিযোগিতাখন সদৌ অসম দবা সন্থাৰ সম্পাদক ৰাজীৱ ধৰে মুকলি কৰে আৰু প্ৰথম ৰাউণ্ডৰ খেল সমূহ ৪ বজাৰ পৰা আৰম্ভ হয়।
Continue Reading
