ডিজিটেল ডেস্কঃ ১৯৬৭ চনৰ মধ্যপ্ৰাচ্যৰ যুদ্ধত নিহত হোৱা কমেও ৮০ জন ইজিপ্তৰ সৈন্যৰ গণ কবৰ ইজৰাইলৰ এখন জনপ্ৰিয় বিনোদন উদ্যানত উদ্ধাৰ হৈছে। ইজৰাইলৰ কাকত হাৰেটজে এই কথা প্ৰকাশ কৰিছে।
কাকতখনত প্ৰকাশিত তথ্য অনুসৰি, নব্বৈৰ দশকত প্ৰত্যক্ষদৰ্শীয়ে এই বিষয়টো প্ৰকাশ কৰিব বিচাৰিছিল যদিও ইজৰাইলী সেনাৰ হস্তক্ষেপৰ বাবে সেই বিষয়টো প্ৰকাশ কৰা হোৱা নাছিল।
ইফালে ইজৰাইলৰ প্ৰধানমন্ত্ৰী ইহুদ অলমাৰ্টে এই ঘটনাৰ তদন্তৰ আহ্বান জনাইছে।
ইজৰাইলে ১৯৬৭ চনৰ যুদ্ধত ছিৰিয়া, ইজিপ্ত আৰু জৰ্ডানৰ বিৰুদ্ধে জয়লাভ কৰিছিল। এই সময়ছোৱাত তেওঁলোকে চিনাই উপত্যকা, গোলান হাইটছ, গাজা উপত্যকা, পশ্চিম আৰু পূব জেৰুজালেম দখল কৰে। সেই যুদ্ধত প্ৰায় ১১ হাজাৰ মিচৰীয় যোদ্ধা নিহত হৈছিল।
সেই বৰ্ষৰে ৫ জুনত ইজৰাইলী সেনা আৰু ১০০ জন ইজিপ্তৰ সৈন্যৰ এক অভিজাত গোটৰ মাজত ব্যাপক সংঘৰ্ষৰ সূত্ৰপাত হৈছিল। ১৯৪৮ চনৰ ইজৰাইল সীমান্তত থকা নোমানছ লেণ্ডৰ কিবুট্জ নাহছান নামৰ বসতিস্থলত সংঘটিত হৈছিল এই সংঘৰ্ষ। এই স্থান এতিয়া অবৈধভাৱে দখল কৰা পশ্চিম তীৰৰ অন্তৰ্গত বুলি জানিবলৈ পোৱা গৈছে।
বিবৃতি অনুসৰি, প্ৰধানমন্ত্ৰী লাপিডে ইজৰাইলী সেনাক বিষয়টো গভীৰভাৱে তদন্ত কৰিবলৈ আৰু ইজিপ্তৰ কৰ্তৃপক্ষক আপডেট জনাই থাকিবলৈ নিৰ্দেশ দিছে।
Continue Reading
