ডিজিটেল ডেস্কঃ ইৰাণে পুনৰ ইজৰাইলক আক্ৰমণ কৰে। ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে প্ৰতি সতৰ্কবাণী জাৰি কৰে। ভাৰত আৰু ইজৰাইলৰ মাজত আন্তঃৰাষ্ট্ৰীয় বিমান সেৱা বন্ধ কৰাৰ কথা ঘোষণা কৰিছে এয়াৰ ইণ্ডিয়াই।
দেওবাৰে এয়াৰ ইণ্ডিয়াই এক বিবৃতিত কয় যে দিল্লী আৰু টেল আভিভ (ইজৰাইলৰ অন্যতম ডাঙৰ চহৰ)ৰ মাজত অনিৰ্দিষ্টকালৰ বাবে বিমান সেৱা বাতিল কৰাৰ সিদ্ধান্ত লৈছে। ১৪ এপ্ৰিল, দেওবাৰৰ পৰা কাৰ্যকৰী হ’ব এই সিদ্ধান্ত।
ভাৰতৰ ৰাজধানীৰ পৰা ইজৰাইলৰ এখন ডাঙৰ চহৰলৈ প্ৰতি সপ্তাহত চাৰিখনকৈ এয়াৰ ইণ্ডিয়াৰ বিমান চলাচল কৰে। টাটা গ্ৰুপৰ নিয়ন্ত্ৰিত বিমান সংস্থাটোৱে ইয়াৰ পূৰ্বে হামাছৰ আক্ৰমণৰ সময়ত ইজৰাইললৈ বিমান সেৱা বন্ধ কৰি দিছিল। অৰ্থাৎ ২০২৩ চনৰ ৭ অক্টোবৰ। প্ৰায় পাঁচ মাহৰ পিছত ৩ মাৰ্চৰ পৰা দুয়োখন দেশৰ মাজত বিমান সেৱা আৰম্ভ কৰে কোম্পানীটোৱে।
কিন্তু পৰিস্থিতিৰ প্ৰতি লক্ষ্য ৰাখি আৰু যাত্ৰীসকলৰ সুৰক্ষাৰ বাবে এই সেৱা স্থগিত ৰখাৰ সিদ্ধান্ত লোৱা হৈছে বুলি এয়াৰ ইণ্ডিয়াই জানিবলৈ দিয়ে।
Continue Reading
