ডিজিটেল ডেস্কঃ গ্ৰেপ্তাৰ হোৱাৰ পিছতে ইমৰাণ খানৰ কাষত থিয় দিছে শ্বাহীন আফ্ৰিদীয়ে। টোছাখানা গোচৰত অভিযুক্ত পাকিস্তানৰ বিশ্বকাপ বিজয়ী (১৯৯২) অধিনায়ক তথা প্ৰাক্তন প্ৰধানমন্ত্ৰী। শনিবাৰে বিয়লি তেওঁক গ্ৰেপ্তাৰ কৰা হয়। তিনি বছৰৰ কাৰাদণ্ডৰ শাস্তি বিহা হয়। তদুপৰি তেওঁক ৫০০ টকা জৰিমনাও বিহা হৈছিল। ইয়াৰ পিছত শ্বাহীনে তেওঁৰ সমৰ্থনত টুইটাৰত ‘ডিছপ্লে পিক্টৰ’ ব্লেকআউট কৰে।
ইছলামবাদৰ এখন আদালতে পাকিস্তান তেহৰিক-ই-ইনছাফ (পিটিআই)ৰ অধ্যক্ষ ইমৰানক শাস্তি প্ৰদান কৰে। ইয়াৰ পিছতে পাকিস্তান পঞ্জাৱ প্ৰদেশৰ ৰাজধানী লাহোৰৰ জামান পাৰ্ক অঞ্চলৰ নিজৰ ঘৰৰ পৰা গ্ৰেপ্তাৰ হয় প্ৰাক্তন প্ৰধানমন্ত্ৰীগৰাকীক। পাকিস্তানী সংবাদ মাধ্যমে প্ৰকাশ কৰা অনুসৰি তেওঁক আপাততঃ লাহোৰৰ কোট লখপট কাৰাগাৰলৈ প্ৰেৰণ কৰা হৈছে।
ইমৰাণক গ্ৰেপ্তাৰ কৰাৰ এঘণ্টাৰ ভিতৰতে শ্বহীনে টুইটাৰত নিজৰ ডিছপ্লে ইমেজ ক’লালৈ সলনি কৰিলে। পাক পেচাৰগৰাকীয়ে ক’লা ৰঙেৰে এখন ‘কাৰ্ড’ও পোষ্ট কৰিছিল, যিটো তেওঁ পিছত ডিলিট কৰিছিল। যদিও তেওঁ ডিছপ্লে ইমেজখন ক’লা কৰি ৰাখিছিল। এইটো প্ৰথম নহয়, ইয়াৰ পূৰ্বে ইমৰাণক দুদিনৰ বাবে গ্ৰেপ্তাৰ কৰা হৈছিল। তাৰ পিছতে শ্বহীনে ছ’চিয়েল মিডিয়াত বিশ্বকাপ বিজয়ী অধিনায়কৰ সৈতে এখন ছবি পোষ্ট কৰিছিল।
শ্বাহীন এতিয়া ইংলেণ্ডত। 'দ্য হাণ্ড্ৰেড' প্ৰতিযোগিতাত ৱেলছ ফায়াৰৰ হৈ খেলা। হেৰিছ ৰুফেও তাত খেলে। চলিত মাহৰ শেষত শ্ৰীলংকাৰ বিৰুদ্ধে খেলিব পাকিস্তানে। সেই এদিনীয়া ছিৰিজত শ্বাহীনক খেলা দেখা যাব। তাৰ পিছত এছিয়া কাপ। সেয়া হ’ব পাকিস্তান আৰু শ্ৰীলংকাত। সেই প্ৰতিযোগিতাত পাকিস্তানৰ প্ৰথমখন খেল ৩০ আগষ্টত। নেপালৰ বিৰুদ্ধে খেলিব বাবৰ আজমবাহিনীয়ে। ২ ছেপ্টেম্বৰত ভাৰতৰ বিৰুদ্ধে তেওঁলোকৰ মেচ।
Continue Reading
