ডিজিটেল ডেস্কঃ জোঁৱাই ৰাহুলক বিশেষ উপদেশ দিলে শহুৰেক সুনীল চেট্টীয়ে। তাৰোপৰি জীয়েক আঠিয়াক সুখী বিবাহিত জীৱনৰ পাঠ দিলে। ভাৰতীয় ক্ৰিকেট তাৰকা কে এল ৰাহুলৰ সৈতে বিবাহপাশত আবদ্ধ হয় সুনীল শ্বেট্টীৰ কন্যা আথিয়া শ্বেট্টীয়ে। আঘাতৰ বাবে দলৰ পৰা আঁতৰি আছে ৰাহুল। অস্ত্ৰোপচাৰ কৰা হৈছে, লাহে লাহে সুস্থ হৈ উঠিছে। অতি সোনকালে জাতীয় দললৈ ঘূৰি আহিব এই ক্ৰিকেট তাৰকা। কন্যা আথিয়াৰ সৈতে ৰাহুলৰ বিবাহক লৈ সমগ্ৰ শ্বেট্টী পৰিয়াল সুখী।
সুনীল আৰু তেওঁৰ পত্নী মানা শ্বেট্টীৰ বিবাহৰ প্ৰায় ২৪ বছৰ হ’ল। বলীউডৰ অন্যতম সফল দম্পতী। সেয়ে সুনীলে জীয়েক আঠিয়াক সুখী বিবাহৰ বিষয়ে শিকাইছিল। এক সাক্ষাৎকাৰত অভিনেতাজনে কয়- ''যেতিয়া তেওঁৰ কন্যাই প্ৰথমবাৰৰ বাবে তেওঁক বলীউডত প্ৰৱেশ কৰিবলৈ কৈছিল তেতিয়া প্ৰথমে তেওঁক সফলতাৰ ভয় নকৰিবলৈ পৰামৰ্শ দিছিল। বিফলতাক গ্ৰহণ কৰাৰ সাহস ৰাখিব লাগিব।’’
সুনীলে কেৰিয়াৰৰ উপৰি বিবাহ সম্পৰ্কে আঠিয়াক পৰামৰ্শ দিয়ে, "সঙ্গী হ'ব এনে এজন ব্যক্তি যাক তুমি চকু মুদি বিশ্বাস কৰিব পাৰিব। লগতে মনত ৰাখিবা, ৰাহুল এজন ক্ৰীড়াবিদ। তেওঁ অনবৰতে ভ্ৰমণ কৰিব লগা হয়। সকলো সময়তে তাৰ লগত থাকিব নোৱাৰি। সিও তোমাক সংগ দিব নোৱাৰে। অভিনেতাৰ দৰে খেলুৱৈয়ে জীৱনত অহৰহ উত্থান-পতনৰ মাজেৰে পাৰ হ’বলগীয়া হয়। "
কন্যা আথিয়াই ৰাহুলক জীৱন সংগী হিচাপে বাছি লোৱাত অভিনেতাজন সুখী। সুনীলে ভাবে যে অথিয়াৰ ভাগ্য ভাল যে এনে এজন স্বামী পাইছে। কিন্তু জোঁৱাইক এটা পৰামৰ্শ দিলে যে বেছি ভাল নহ’বলৈ। অভিনেতাজনে কয়- ''ইমান ভাল মানুহ হোৱাৰ প্ৰয়োজন নাই যে মানুহে আপোনাৰ কেৱল ভালক মূল্য দিয়ে আৰু আপোনাক নহয়। মই সদায় আথিয়াক কওঁ, তোমাৰ ভাগ্য ভাল যে এনেকুৱা এজন স্বামী আছে।''
Continue Reading
