ডিজিটেল ডেস্কঃ পুনৰ বিতৰ্কত পাঞ্জাবী-কানাডিয়ান ৰেপাৰ শুভ ওৰফে শুভনীত সিং। শেহতীয়াকৈ অনুষ্ঠিত হোৱা এক অনুষ্ঠানত এক বিশেষ হুডি প্ৰদৰ্শন কৰাৰ বাবে তদন্তৰ আওতালৈ আহিছে। হুডিটোত প্ৰাক্তন প্ৰধানমন্ত্ৰী ইন্দিৰা গান্ধীৰ হত্যাকাণ্ডৰ চিত্ৰ অংকন কৰা বুলি দাবী প্ৰচাৰিত হৈছে।
ইতিমধ্যে ইয়াৰ ভিডিঅ’ ভাইৰেল হৈ পৰিছে। অৱশ্যে এই ভিডিঅ’সমূহৰ সত্যতা স্বতন্ত্ৰভাৱে পৰীক্ষা কৰা হোৱা নাই। ইয়াৰ দ্বাৰা প্ৰাক্তন প্ৰধানমন্ত্ৰী ইন্দিৰা গান্ধীৰ হত্যাকাৰী সতৱন্ত আৰু বীন্ত সিঙক বীৰ সজোৱা হৈছে বুলি অনেকে আপত্তি কৰিছে। বলিউডৰ অভিনেত্ৰী কংগনা ৰানাৱটে এইদৰে আপত্তি কৰিছে।
ইণ্টাৰনেট ব্যৱহাৰকাৰীসকলে দাবী কৰিছে যে ২০২৩ চনৰ ২৯ অক্টোবৰত লণ্ডনত তেওঁৰ লাইভ শ্ব’ৰ সময়ত এই কাণ্ড সংঘটিত হৈছিল। এই সন্দৰ্ভত এতিয়ালৈকে শুভ বা তেওঁৰ দলৰ কোনোৱেই কোনো বক্তব্য প্ৰকাশ কৰা নাই।
ইয়াৰ বাবে খালিস্তানীক সমৰ্থন কৰাৰ অভিযোগৰ বাবে তেওঁৰ 'ষ্টিল ৰলিন ইণ্ডিয়া’ ভ্ৰমণ বাতিল হৈছিল। সেই সময়ত তেওঁ নিজৰ ইনষ্টাগ্ৰামত এটা বিবৃতি শ্বেয়াৰ কৰিছিল, য’ত তেওঁ ভাৰত ভ্ৰমণ বাতিল হোৱাত হতাশা প্ৰকাশ কৰিছিল।
Continue Reading
