ডিজিটেল ডেস্কঃ ক্ষান্ত হোৱা নাই ইণ্ডিয়া বনাম ভাৰতৰ যুঁজ৷ ভাৰতীয় জনতা পাৰ্টিৰ সাংসদ দিলীপ ঘোষে দেওবাৰে বিতৰ্কৰ সূত্ৰপাত কৰি কয় যে ইণ্ডিয়াৰ নাম সলনি কৰি “দাসত্বৰ চিন” আঁতৰাই দিয়া হ’ব আৰু যিসকলে নাম সলনি কৰাটো ভাল নাপায় তেওঁলোকে “দেশ এৰি যাব পাৰে” ।পশ্চিমবংগৰ খড়গপুৰত দলীয় কৰ্মীসকলৰ সৈতে "চাই পে চৰ্চা"ত ভাষণ দি এই বিতৰ্কিত মন্তব্য কৰে বিজেপিৰ জ্যেষ্ঠ নেতাগৰাকীয়ে।
তৃণমূল কংগ্ৰেছ (টিএমচি) আৰু ভাৰতীয় কমিউনিষ্ট পাৰ্টি (চিপিআই)কো দেশৰ নাম সলনি কৰাৰ বিৰোধিতা কৰা বুলিও দিলীপ ঘোষে তেওঁৰ বাৰ্তালাপত আক্ৰমণ কৰি লগতে কয় যে, "টিএমচিৰ মোৰ বন্ধুসকলে হয়তো নাজানে যে তেওঁলোকে কিয় ইণ্ডিয়া বুলি কৈছে। বা 'ভাৰত', ইয়াৰ আঁৰৰ ইতিহাস কি। চিপিএমৰ মানুহৰ বাবেও ই অতি কঠিন, যিসকলে সদায় বিদেশৰ প্ৰতিহে মনোযোগ দি আহিছে।"
তদুপৰি বিজেপি সাংসদগৰাকীয়ে কলকাতাৰ পৰা বিদেশীৰ সকলো প্ৰতিমূৰ্তি আঁতৰাই দিয়াৰ প্ৰতিশ্ৰুতিও দিয়ে।তেওঁ কয় যে,"কলকাতাৰ বহু ৰাজপথত ব্ৰিটিছৰ বহু প্ৰতিমূৰ্তি আছে৷ বিজেপি ক্ষমতালৈ আহিলে আমি সেই সকলোবোৰ উভালি ভিক্টোৰিয়া মেম'ৰিয়েল হাউচত ভৰাই দিম।" দিলীপ ঘোষে লগতে কয়, "মিউজিয়ামৰ বস্তুবোৰ মিউজিয়ামতে থাকিব, ৰাজপথত নহয়।"
Continue Reading
