ডিজিটেল ডেস্কঃ গুজৰাট টাইটাইনছৰ বিৰুদ্ধে দূৰ্দান্ত বেটিং কৰা ৰিংকু সিঙৰ প্ৰশংসাত ব্যস্ত হৈ পৰিছে সকলো। এইবাৰ প্ৰাক্তন ক্ৰিকেটাৰ মহম্মদ কাইফে বিৰাট কোহলীৰ স’তে তুলনা কৰিছে ৰিংকু সিঙক।
বাতৰি অনুসৰি, ষ্টাৰ স্প’ৰ্টছৰ সৈতে হোৱা কথা-বতৰাত প্ৰাক্তন ক্ৰিকেটাৰগৰাকীয়ে ৰিংকু আৰু কোহলীৰ মাজত সাদৃশ্য আঙুলিয়াই দিয়ে।
কাঈফে কয় যে ৰিংকুৰ দৰেই কোহলীয়েও আইপিএল কেৰিয়াৰৰ প্ৰথম কেইবছৰ লৱাৰ ডাউন অৰ্ডাৰত বেটিং কৰিছিল। তেনেদৰেই কোহলীয়ে দূৰ্দান্ত প্ৰদৰ্শন কৰাৰ আৰম্ভণি কৰিছিল।
‘চাওক, বিৰাট কোহলিয়ে ভাল খেলিবলৈ আৰম্ভ কৰাৰ সময়ত ৰিংকু স’তে একে বয়সৰ আছিল। প্ৰথম বছৰবোৰত কোহলীয়ে আৰচিবিৰ হৈ ৫-৬ নম্বৰত খেলিছিল; ৰিংকু সিংও তেনেকুৱাই।’’
ৰিংকুৰ প্ৰদৰ্শনক লৈ কাঈফে কয়- ''কি দূৰ্দান্ত প্ৰদৰ্শন! কে কে আৰ জয়ী হ’ব বুলি কোনেও আশা কৰা নাছিল, সকলোৱে টিভি বন্ধ কৰি দিছিল। কিন্তু ৰিংকু তাত আছিল।’’
Continue Reading
