ডিজিটেল ডেস্কঃ এজোৰ জোতাৰ মূল্য ১৮ কোটি টকালৈ বৃদ্ধি পালে। ২৫ বছৰীয়া জোতাযোৰ এতিয়া চৰ্চালৈ আহিছে। কিয় ইমান দামী হৈ পৰিছে জোতাযোৰ?
জোতাযোৰৰ মালিকৰ নাম মাইকেল জৰ্ডান। আমেৰিকাৰ কিংম্বদন্তি বাস্কেটবল খেলুৱৈগৰাকীয়ে ১৯৯৮ চনত কেৰিয়াৰৰ শেষবাৰৰ বাবে এই জোতা পিন্ধিছিল। সেই জোতাযোৰৰ এতিয়া নিলাম হৈছে।
১৯৯৮ চনত জৰ্ডানে চিকাগো বুলছৰ হৈ খেলিছিল। ৰঙা আৰু ক’লা ৰঙৰ জোতা পিন্ধি খেলিছিল। দ্বিতীয়খন খেলত জৰ্ডানে এই জোতাযোৰ পিন্ধিছিল। সেইখনেই আছিল জৰ্ডানৰ শেষ মেচ।
কেৰিয়াৰত মুঠ তেওঁ ৬টা এনবিএ চেম্পিয়নশ্বিপ লাভ কৰে। যিজোৰ জোতা নিলাম হৈছে, সেই জোতাযোৰ পিন্ধি খেলোতে জৰ্ডানে ৩৭ পইণ্ট স্কোৰ কৰিছিল। মেচখনত বুলছে ৯৩-৮৮ গ’লত জয়লাভ কৰিছিল।
জনা যায় যে আগতে ইমান বেছি দামত কাৰো জোতা নিলাম হোৱা নাছিল। ২০২১ চনত কানিয়ে ৱেষ্টৰ স্নিকাৰৰ দাম প্ৰায় ১৫ কোটি টকালৈ বৃদ্ধি পাইছিল। সেই দাম জৰ্ডানৰ জোতাই পিছলৈ ঠেলি দিলে।
ইয়াৰ পূৰ্বে ১৯৯৮ চনৰ ছিজনৰ জৰ্ডানৰ প্ৰথমখন গেম জাৰ্চি যোৱা বছৰ নিলাম হৈছিল। সেই জাৰ্চিৰ দাম আছিল প্ৰায় ৮৩ কোটি টকা।
১৯৬৩ চনত জন্মগ্ৰহণ কৰিছিল ৬ফুট ৬ইঞ্চিৰ জৰ্ডানে। ছবাৰ এনবিএ চেম্পিয়নশ্বিপ আৰু ছবাৰ এনবিএ ফাইনেলৰ এমভিপি জৰ্ডানেও দুবাৰকৈ অলিম্পিকত সোণৰ পদক লাভ কৰে। চিকাগো বুলছৰ উপৰিও জৰ্ডানে ৱাশ্বিংটন উইজাৰ্ডছৰ হৈও খেলিছিল।
Continue Reading
