ডিজিটেল ডেস্কঃ ভাৰতীয় ক্ৰিকেটাৰসকলে শনিবাৰে হাতত ক’লা বেণ্ড লৈ খেলি থকা দেখা গৈছে। হঠাৎ টেষ্টৰ তৃতীয় দিনা প্ৰশ্ন উত্থাপন হ’বলৈ ধৰিলে যে তেওঁলোকে কিয় ক’লা বেণ্ড পিন্ধিছে। মঙলবাৰে দত্তজিৰাও গাইকৱাদৰ মৃত্যু হয়, সেয়েহে শনিবাৰে ক’লা আৰ্মবেণ্ড পিন্ধিছিল বুলি ভাৰতীয় ক্ৰিকেট ব’ৰ্ডে প্ৰকাশ কৰিছে। বৃহস্পতিবাৰৰ পৰা আৰম্ভ হৈছে টেষ্ট। কিন্তু সেইদিনাৰ পৰিবৰ্তে দত্তজিৰাওৰ মৃত্যুৰ চাৰিদিন পিছত ভাৰতীয় দলটোৱে কিয় এই বেণ্ড পিন্ধিলে সেয়া জানিব পৰা হোৱা নাই।
ছ’চিয়েল মিডিয়াত পোষ্ট কৰি ব’ৰ্ডে জনাইছে যে, “দত্তজিৰাও গাইকৱাদৰ স্মৃতিত ভাৰতীয় দলৰ ক্ৰিকেটাৰসকলে ক’লা বেণ্ড পিন্ধিব। কিছুদিন পূৰ্বে ভাৰতৰ প্ৰাক্তন অধিনায়ক তথা আটাইতকৈ বয়সীয়াল ক্ৰিকেটাৰগৰাকীৰ মৃত্যু হৈছিল।"
মঙলবাৰে ৯৫ বছৰ বয়সত মৃত্যু হয় দত্তজিৰাওৰ। তেওঁ আছিল দেশৰ আটাইতকৈ বয়সীয়াল জীৱিত ক্ৰিকেটাৰ। ভাৰতীয় টেষ্টৰ প্ৰাক্তন অধিনায়কগৰাকীয়ে বৰোদাস্থিত নিজ গৃহত মৃত্যুক সাৱটি লয়। ১১খন টেষ্টৰ ভিতৰত চাৰিখন টেষ্টত দলটোক নেতৃত্ব দিয়ে দত্তজিৰাৱে।
প্ৰাক্তন ভাৰতীয় ক্ৰিকেটাৰ অংশুমান গাইকৱাদৰ পিতৃ দত্তজিৰাও। তেওঁৰ মৃত্যুৰ খবৰ দিছিল ইৰফান পাঠানে। ভাৰতীয় প্রাক্তন অলৰাউণ্ডাৰগৰাকীয়ে ছ’চিয়েল মিডিয়াত লিখিছে, ‘দত্তজিৰাও ছাৰে বৰোদা ক্ৰিকেটৰ ভৱিষ্যত গঢ়ি তুলিছিল৷ মতিবাগ ক্ৰিকেট খেলপথাৰত বেন গছৰ তলত নীলা ৰঙৰ মাৰুতি গাড়ী এখন লৈ থিয় হৈ আছিল। আৰু ভৱিষ্যতৰ তৰাবোৰ বিচাৰি পাইছিল। তেওঁৰ অনুপস্থিতি প্ৰতি মুহূৰ্ততে অনুভৱ কৰিব। ক্ৰিকেট জগতৰ বাবে ই এক ডাঙৰ ক্ষতি।’ পিছত ব’ৰ্ডেও ছ’চিয়েল মিডিয়াত পোষ্ট কৰি দত্তজিৰাওৰ মৃত্যুৰ কথা ঘোষণা কৰে।
Continue Reading
