ডিজিটেল ডেস্ক: ডাইনোছৰৰ জগতখন মানৱ সমাজৰ বাবে সদায় ৰোমাঞ্চকৰ হৈ আহিছে। এই বিষয়ত নতুন কিবা এটা জানিবলৈ সমগ্ৰ বিশ্বতে প্ৰচেষ্টা চলোৱা হৈছে। শেহতীয়া কৈ অক্সফৰ্ড বিশ্ববিদ্যালয় আৰু বাৰ্মিংহাম বিশ্ববিদ্যালয়ৰ গৱেষকসকলে বৃহৎ সংখ্যক ডাইনোছৰৰ ভৰিৰ ছাপ লক্ষ্য কৰিছে। ইয়াৰ পূৰ্বেও ১৯৯৭ চনত একেটা অঞ্চলতে উদ্ধাৰ একেধৰণৰ ‘ডাইনোছৰ ঘাইপথ’ৰ সন্ধান পোৱা গৈছিল। এই সাক্ষ্যৰ পৰা স্পষ্ট হৈ পৰিছে যে এই অঞ্চলতোলৈ ডাইনোছৰে সঘনাই আহিছিল আৰু সেই নিৰ্দিষ্ট ভূখণ্ডক ডাইনোছৰে নিজৰ ইচ্ছামতে যাবলৈ ব্যাপকভাৱে ব্যৱহাৰ কৰিছিল।
প্ৰাপ্ত খবৰ অনুসৰি ইংলেণ্ডৰ কুৱেৰীত অৱস্থিত খনিসমূহত অক্সফৰ্ড আৰু বাৰ্মিংহাম বিশ্ববিদ্যালয়ৰ বিশেষজ্ঞসকলে ডাইনোছৰৰ ভৰিৰ ছাপ আৱিষ্কাৰ কৰিছে। দলটোৱে এনে ৫টা পথ আৱিষ্কাৰ কৰিছে বুলি জানিব পৰা গৈছে। যাৰ মাজেৰে এসময়ত ডাইনোছৰ অহাযোৱা কৰিছিল। এতিয়া এই পথটোক ‘ডাইনোছৰ হাইৱে’ বুলি অভিহিত কৰা হৈছে। এই গৱেষণাৰ পৰা জানিব পৰা গৈছে যে নিৰামিষভোজী চ’ৰ’পড ডাইনোছৰবোৰে চাৰিটা পৃথক পথত খোজ কাঢ়িছিল। আৰু এই অঞ্চলত পোৱা আটাইতকৈ দীঘল পথটো প্ৰায় ১৫০ মিটাৰ।
বিশেষজ্ঞসকলে ইয়াৰ জৰিয়তে ডাইনোছৰবোৰে কেনেকৈ খোজ কাঢ়িছিল, কিমান বেগেৰে দৌৰিব পাৰিছিল, ইয়াৰ আকাৰ কিমান ডাঙৰ আছিল আৰু ইটোৱে সিটোৰ লগত কেনেকৈ যোগাযোগ কৰিছিল। এই বিষয়ে জানিব পৰা হ’ব বুলি উল্লেখ কৰে।
Continue Reading
