ডিজিটেল ডেস্কঃ বৰ্তমান সময়ত ৰীল, মিম, আৰু অন্যান্য ছ’চিয়েল মিডিয়াৰ বিষয়বস্তু নেটিজেনসকলৰ বাবে হ্ৰস্বম্যাদী সুখৰ উৎস হৈ পৰিছে। ই ব্যৱহাৰকাৰীসকলক হাস্যকৰ,বা সৃষ্টিশীল বিষয়বস্তুৰে মনোৰঞ্জন দিয়ে আৰু লগতে ব্যৱহাৰকাৰীসকলক ঘণ্টাৰ পিছত ঘণ্টা এপটোৰ সৈতে আকৃষ্ট কৰি ৰাখে। কিন্তু আপুনি ভাবিব পাৰে যে বন্ধুৰ সৈতে ৰীল শ্বেয়াৰ কৰিলে আপোনাক ভালদৰে সংযোগ স্থাপন কৰাত সহায় কৰিব বা মীমে আপোনাক হাঁহিবলৈ বাধ্য কৰৰিব পাৰে কিন্তু তাৰ লগতে ইয়াৰ প্ৰভাৱো সূদূৰপ্ৰসাৰী৷ছ’চিয়েল মিডিয়া অধিক স্ক্ৰ’ল কৰিলে উদ্বেগ, হতাশা আৰু মানসিক চাপৰ অনুভৱ হ’ব পাৰে বুলি এক গৱেষণাত প্ৰকাশ পাইছে৷
বিহেভিয়াৰ এণ্ড ইনফৰ্মেশ্যন টেকন’লজি জাৰ্নেলত প্ৰকাশিত- ‘উদীয়মান প্ৰাপ্তবয়স্কৰ সামাজিক মাধ্যমৰ ব্যৱহাৰ, নিসংগতা আৰু মানসিক দুৰ্দশা’ শীৰ্ষক এক গৱেষণামূলক অধ্যয়নত প্ৰকাশ পাইছে যে যিসকল লোকে ছ’চিয়েল মিডিয়াক নিষ্ক্ৰিয়ভাৱে ব্যৱহাৰ কৰে (কেৱল আনৰ সৃষ্টি কৰা বিষয়বস্তু গ্ৰহণ কৰে) তেওঁলোকে অকলশৰীয়া অনুভৱ কৰাৰ সম্ভাৱনা বেছি আৰু ছ’চিয়েল মিডিয়াক অধিক সক্ৰিয়ভাৱে ব্যৱহাৰ কৰা লোকসকলতকৈ মানসিক দুৰ্দশাৰ সন্মুখীন হয়৷
এই অধ্যয়নত গৱেষকৰ এটা দলে ১৮ৰ পৰা ৩৪ বছৰ বয়সৰ ২৮৮ জন ব্যক্তিৰ ওপৰত এক সমীক্ষা চলাইছিল যাতে বিভিন্ন ছ’চিয়েল মিডিয়া ব্যৱহাৰৰ ধৰণ আৰু নিসংগতা আৰু মানসিক দুখৰ অনুভূতিৰ মাজৰ সম্পৰ্ক অন্বেষণ কৰিব পৰা যায়। এই অধ্যয়নত ছ’চিয়েল মিডিয়া ব্যৱহাৰৰ তিনি ধৰণৰ পৰীক্ষা কৰা হৈছে:
নিষ্ক্ৰিয় ব্যৱহাৰ: এই শ্ৰেণীত এনে ব্যক্তিক অন্তৰ্ভুক্ত কৰা হৈছিল যিসকলে কেৱল অন্য ব্যৱহাৰকাৰীয়ে সৃষ্টি কৰা বিষয়বস্তু গ্ৰহণ কৰিছিল।
সক্ৰিয় অসামাজিক ব্যৱহাৰ: এই শ্ৰেণীত এনে ব্যক্তিক অন্তৰ্ভুক্ত কৰা হৈছিল যিসকলে নিজৰ বিষয়বস্তু পোষ্ট কৰিছিল কিন্তু অন্য ব্যৱহাৰকাৰীৰ সৈতে জড়িত নাছিল।
সক্ৰিয় সামাজিক ব্যৱহাৰ: এই শ্ৰেণীত এনে ব্যক্তিক অন্তৰ্ভুক্ত কৰা হৈছিল যিসকলে নিজৰ বিষয়বস্তু পোষ্ট কৰিছিল আৰু অন্য ব্যৱহাৰকাৰীৰ সৈতে যোগাযোগ কৰিছিল।
এই অধ্যয়নৰ উদ্দেশ্য আছিল ছ’চিয়েল মিডিয়াৰ বিভিন্ন ধৰণৰ সংযোগ আৰু নিসংগতা আৰু মানসিক দুখৰ অনুভূতিৰ মাজৰ সম্পৰ্ক অন্বেষণ কৰা। গৱেষকসকলে আৱিষ্কাৰ কৰে যে নিষ্ক্ৰিয় ছ’চিয়েল মিডিয়া ব্যৱহাৰত অধিক সময় কটোৱাটো উদ্বেগ, হতাশা আৰু মানসিক চাপৰ মাত্ৰা বৃদ্ধিৰ সৈতে জড়িত।
Continue Reading
