ডিজিটেল ডেস্কঃ বিৰাট কোহলী বৰ্তমান ছুটিত আছে। নতুন বছৰটো পত্নী অনুষ্কা শৰ্মা আৰু জীয়ৰী ভামিকাৰ সৈতে অতিবাহিত কৰিছে। অলপতে বৃন্দাবনত দেখা গৈছিল তাৰকাগৰাকীক।
ছুটী সামৰি অতি সোনকালে শ্ৰীলংকাৰ বিৰুদ্ধে এদিনীয়া শৃংখলা খেলিব বিৰাটে। ইয়াৰ পূৰ্বে হঠাতে ইনষ্টাগ্ৰামত এটা ৰহস্যজনক ষ্ট’ৰী পোষ্ট কৰিছে বিৰাটে। তাৰপাছতে সৃষ্টি হৈছে চৰ্চা৷
কোহলীয়ে ইনষ্টাগ্ৰামত দুটা ষ্ট’ৰীজ পোষ্ট কৰিছিল। এটা ষ্ট’ৰীত হলিউডৰ অভিনেতা টম হেংকছৰ এটা মন্তব্য আছে। আন এটাত বলীউডৰ প্ৰয়াত অভিনেতা ইৰফান খানৰ আন এটা বাৰ্তা।
প্ৰথম কাহিনীটোত হেংকছৰ মন্তব্যটো এনেধৰণৰ-"আপোনাৰ মন বেয়া নেকি? আপুনি বৰ হতাশ নেকি? আপোনাৰ বৰ খং উঠিছে নেকি? আপুনি দেখিব যে এই সময়ছোৱা পাৰ হৈ যাব। এটা সময়ত আপোনাৰ খুব ভাল লাগিব।’’
দ্বিতীয় ষ্ট’ৰীটোত ইৰফানৰ ছবিখনৰ স’তে লিখা হৈছে, "জনপ্ৰিয়তা লাভ কৰিবলৈ চেষ্টা কৰাটো এটা ৰোগ আৰু আশা কৰোঁ এদিন মই এই ৰোগৰ পৰা পৰিত্ৰাণ পাবলৈ সক্ষম হ'ম৷ মোৰ প্ৰকৃত লক্ষ্য হ'ব জীৱন উপভোগ কৰা আৰু সকলোতে স্থিৰ হৈ ৰোৱা৷’’
জনপ্ৰিয়তা আৰু জীৱন সন্দৰ্ভত কোহলীয়ে এইসমূহ ষ্ট’ৰী প’ষ্ট কৰাৰ পাছতে ব্যাপক কৌতূহলৰ সৃষ্টি হৈছে৷ প্ৰকৃততে ইয়াৰ দ্বাৰা কি ক’ব বিচাৰিছে তাৰকাগৰাকীয়ে?
Continue Reading
