ডিজিটেল ডেস্কঃ আইচিচি টি-২০ ৰেংকিঙত বৰ্তমান বিশ্বৰ এক নম্বৰ বেটছমেনগৰাকী হৈছে সূৰ্যকুমাৰ যাদৱ। তেওঁক এইবাৰ টীম ইণ্ডিয়াৰ টেষ্ট দলত চাব বিচাৰে গৌতম গম্ভীৰে। ভাৰতৰ প্ৰাক্তন অপেনাৰজনে অনুভৱ কৰে যে সূৰ্যকুমাৰক ৰঙীন বলৰ ক্ৰিকেটতো সুযোগ দিয়া উচিত।
সূৰ্যকুমাৰৰ বয়স ৩২ বছৰ। তেওঁ এতিয়ালৈকে এখন টেষ্ট খেলা নাই কিন্তু ৪৫ খন টি-২০ আৰু ১৬ খন এদিনীয়া খেলিছে। টি-২০ত তিনিটা শতকসহ ১৫৭৮ ৰাণ সংগ্ৰহ কৰিছে মাৰমুখী বেটছমেনজনে। এদিনীয়া ক্ৰিকেটত তেওঁ ৩৮৪ ৰাণ সংগ্ৰহ কৰিছে।
সূৰ্যকুমাৰে ৰাজকোটত টি-২০ মেচত শ্ৰীলংকাৰ বিৰুদ্ধে শতক অৰ্জন কৰিছিল। তেওঁ ৫১ টা বলত ১১২ ৰাণৰ অপৰাজিত ইনিংছত নটা ছয় আৰু সাতটা চাৰি মাৰে।
শনিবাৰে গম্ভীৰে ইনষ্টাগ্ৰামত এটা পোষ্ট কৰি লিখিছিল, "মহান ইনিংছ! এইবাৰ টেষ্ট ক্ৰিকেটত সূৰ্যকুমাৰৰ সৈতে খেলিবলৈ সময় হৈছে।’’
কেৱল গম্ভীৰেই নহয়, ইয়াৰ পূৰ্বে ৰবি শাস্ত্ৰীয়ে সূৰ্যক টেষ্ট ক্ৰিকেটত খেলিব লাগে বুলিও দাবী জনাইছিল। শাস্ত্ৰীয়ে কয়, "মই ভাবো সূৰ্যকুমাৰে তিনিও প্ৰকাৰৰ ক্ৰিকেট খেলিব পাৰে। মই জানো সূৰ্যকুমাৰক কেতিয়াও টেষ্টৰ বাবে ভবা নহয়, কিন্তু তেওঁ তিনিও প্ৰকাৰৰ ক্ৰিকেট খেলিব পাৰে।’’
Continue Reading
