ডিজিটেল ডেস্ক: উত্তৰ প্ৰদেশৰ মিৰ্জাপুৰ জিলাৰ এগৰাকী টিভি মেকানিকৰ কন্যাই কৰা চমৎকাৰ কামে আন বহু যুৱতীক আগুৱাই যাবলৈ অনুপ্ৰাণিত কৰিছে। মিৰ্জাপুৰৰ কন্যা ছানিয়া মিৰ্জাই এনডিএ পৰীক্ষাত উত্তীৰ্ণ হৈছে, ইয়াৰ লগতে দেশৰ প্ৰথমগৰাকী মুছলমান মহিলা যুঁজাৰু পাইলট হোৱাৰ গৌৰৱ লাভ কৰিছে।
সপোনত জীৱন থকা সকলেহে গন্তব্য স্থানত উপনীত হয়। মিৰ্জাৰ অতি সাধাৰণ পৰিয়ালৰ পৰা অহা ছানিয়া মিৰ্জাই। বৰ্তমান যুগত পুৰুষৰ সমান্তৰালকৈ মহিলাসকলেও দেশৰ প্ৰগতিৰ ক্ষেত্ৰত ধাপে ধাপে অৰিহণা যোগাইছে। উত্তৰ প্ৰদেশৰ মিৰ্জাপুৰ জিলাৰ কন্যাই কৰা এক চমৎকাৰ কামে আন ছোৱালীকো আগুৱাই যাবলৈ অনুপ্ৰাণিত কৰিব।
মিৰ্জাপুৰ জিলাত বাস কৰা এগৰাকী টিভি মেকানিকৰ কন্যা ছানিয়া মিৰ্জাই ৰাষ্ট্ৰীয় প্ৰতিৰক্ষা একাডেমীৰ পৰীক্ষাত উত্তীৰ্ণ হয়। ইয়াৰ লগে লগে তেওঁ নিজৰ নামত এনে এক অভিলেখ পঞ্জীয়ন কৰিছে, যিটো কোনেও ভংগ কৰাটো সম্ভৱ নহ’ব। মহিলাৰ বাবে সংৰক্ষিত ১৯খন আসনৰ ভিতৰত ছানিয়াই এনডিএ পৰীক্ষাত দ্বিতীয় স্থান দখল কৰে। এতিয়া পুনেৰ এনডিএ একাডেমীত হ’ব ছানিয়াৰ প্ৰশিক্ষণ। প্ৰশিক্ষণ সমাপ্ত কৰাৰ পাছত দেশৰ প্ৰথমগৰাকী মুছলমান মহিলা যুঁজাৰু বিমান পাইলটৰ খিতাপও লাভ কৰিব ছানিয়াই।
ছানিয়া মিৰ্জাপুৰৰ কোতৱালিৰ জাসোৱৰৰ বাসিন্দা, প্ৰাথমিক শিক্ষা গাঁৱৰ স্কুলৰ পৰাই কৰিছিল। ছানিয়াই দ্বাদশ শ্ৰেণীত জিলাখনৰ শীৰ্ষ স্থান দখল কৰিছিল। ছানিয়াৰ সৰুৰে পৰা এটা সপোন আছিল যে তেওঁ এয়াৰফৰ্চত যোগদান কৰি যুঁজাৰু বিমানৰ পাইলট হ’ব। দ্বাদশ মানৰ পিছত ছানিয়াই ইয়াৰ বাবে কোচিং লৈছিল আৰু কঠোৰ পৰিশ্ৰমৰ বাবে পৰীক্ষাত উত্তীৰ্ণ হ’বলৈ সক্ষম হৈছিল। কন্যাৰ এই উৰণত বৰ সুখী ছানিয়াৰ পিতৃ শ্বাহিদ আলী। পৰিয়াললৈ নামি আহিছে যেন সুখৰ বসন্ত।
Continue Reading
