ডিজিটেল ডেস্কঃ ''“Smoke weed every day”! প্ৰতিদিনে গাঞ্জা সেৱন কৰক! সোমবাৰে আবেলি মুম্বাইৰ পথৰ দাঁতিত থকা এখন ডিচপ্লে’ বৰ্ডত এই বাৰ্তা দেখা পোৱা গ’ল। তাৰপাছতে লাগে হৈ-চৈ।
দৈনিক পথচাৰীসকলে ডিচপ্লে’ ব’ৰ্ডত এলইডি লাইটেৰে জ্বিলিকি থকা এই বিতৰ্কিত বাৰ্তাটো দেখি হতভম্ব হৈ পৰে। মুম্বাইৰ হাজি আলিৰ পৰা ৱৰ্লীলৈ যোৱা পথত এই কাণ্ড সংঘটিত হয়।
সমগ্ৰ কাণ্ডটোৰ ভিডিঅ’ সামাজিক মাধ্যমত বিয়পি পৰে। তাৰপাছতে তৎপৰ হৈ পৰে আৰক্ষী। জনা গ’ল যে ডিচপ্লে’ ব’ৰ্ডৰ কাৰিকৰী বিজুতিৰ বাবে এই ভুল বাৰ্তাটো জ্বিলিকি উঠে। লগে লগে ডিচপ্লে’ ব’ৰ্ডখন নুমোৱাই দিয়া হয়।
আৰক্ষীয়ে জনোৱামতে, লাৰছেন এণ্ড টাৰ্ব নামৰ এটা সংস্থাই এই এলইডি ডিচপ্লে’ ব’ৰ্ডখন পৰিচালনা কৰে। সংস্থাটোৱে আৰক্ষীক জনায় যে কাৰিকৰী বিজুতিৰ বাবেই এই কাণ্ড সংঘটিত হৈছে।
উল্লেখ্য যে গাঞ্জা ভাৰতত এবিধ অবৈধ নিচা। নাৰ্ক’টিকছ ড্ৰাগছ এণ্ড চাইক’ট্ৰ’পিক চাবষ্টেন্সেছ এক্ট ১৯৮৫ৰ অধীনত ভাৰতত গাঞ্জা নিষিদ্ধ হৈ আছে।
Continue Reading
