ডিজিটেল ডেস্কঃ ১৭ বছৰ বয়সত ইতিহাস ৰচনা কৰিলে অদিতি গোপিচন্দ স্বামীয়ে। তেওঁ ধনুৰ্বিদ্যাৰ বিশ্ব চেম্পিয়ন হয়। অদিতিয়ে ভাৰতৰ প্ৰথম বিশ্ব চেম্পিয়ন হিচাপে ইতিহাস ৰচনা কৰিছে।। মেক্সিকোৰ আন্দ্ৰেয়া বেকেৰাক পৰাস্ত কৰে। অদিতিয়ে ১৪৯-১৪৭ ব্যৱধানত জয়লাভ কৰে। যোৱা মাহত তেওঁ যুৱ বিশ্ব চেম্পিয়নশ্বিপত জয়লাভ কৰিছিল।
ভাৰতীয় মহিলা দলটোৱে শুকুৰবাৰে কম্পাউণ্ড বিভাগত স্বৰ্ণ পদক লাভ কৰে। ভাৰতে ইয়াৰ পূৰ্বে কেতিয়াও ধনুৰ্বিদ দলীয় ইভেণ্টত সোণৰ পদক লাভ কৰা নাই। সেই দলটোত অদিতিও আছিল। তেওঁৰ উপৰিও ভাৰতীয় দলটোত জ্যোতি সুৰেখা ভেন্নাম আৰু পাৰ্নীত কৌৰ আছিল। ফাইনেলত তেওঁলোকে মেক্সিকোক ২৩৫-২২৯ গ’লত পৰাস্ত কৰে। ব্যক্তিগত শাখাতো এইবাৰ অদিতিয়ে স্বৰ্ণ পদক লাভ কৰে।
অদিতিয়ে ১১ বছৰ বয়সত ধনুৰ্বিদ্যা আৰম্ভ কৰিছিল। চলিত বৰ্ষৰ আৰম্ভণিতে তেওঁ আৰ্চাৰী বিশ্বকাপত ১৮ বছৰ অনুৰ্ধ শাখাত অভিলেখ গঢ়িছিল। ৭২০ পইণ্টৰ ভিতৰত ৭১১ পইণ্ট লাভ কৰে। আমেৰিকাৰ লিকা আৰেওলাক ৬ পইণ্টেৰে পৰাস্ত কৰে অদিতিয়ে। যোৱা মাহত যুৱ বিশ্ব চেম্পিয়নশ্বিপত তেওঁ সোণৰ পদক লাভ কৰিছিল। ভাৰতৰ পৰা সোণৰ পদক লাভ কৰা চতুৰ্থগৰাকী ছোৱালী হিচাপে পৰিগণিত হয়।
Continue Reading
