ডিজিটেল ডেস্কঃ ৰাছিয়া আৰু ইউক্ৰেইনৰ মাজত যুদ্ধ এতিয়াও অব্যাহত আছে। শেহতীয়াকৈ ইউক্ৰেইনৰ ফালৰ পৰা ৰাছিয়াত মাৰাত্মক আক্ৰমণ সংঘটিত হহৈছে। কিন্তু ৰাছিয়াই সোমবাৰে অৰ্থাৎ আজি ইউক্ৰেইনক ড্ৰ’ন আৰু মিছাইলেৰে বৃহৎ পৰিসৰত আক্ৰমণ কৰি ইয়াৰ প্ৰতিশোধ ল’লে ৷
ৰাছিয়াই এই আক্ৰমণত ইউক্ৰেইনৰ বহু অঞ্চলক লক্ষ্য কৰি লৈছে। উল্লেখ্য যে এই তথ্য ইউক্ৰেইনৰ বায়ুসেনাই দিছে। ৰাছিয়াৰ পক্ষৰ পৰা এই আক্ৰমণ আৰম্ভ হৈছিল প্ৰায় মাজনিশা, আৰু এতিয়াও চলি আছে।
যোৱা কেইটামান সপ্তাহত ৰাছিয়াৰ পৰা এইটোৱেই আটাইতকৈ ডাঙৰ আক্ৰমণ বুলি বিবেচিত হৈছে। ৰাছিয়াৰ এই আক্ৰমণৰ উদ্দেশ্য আছিল ইউক্ৰেইনৰ শক্তি আন্তঃগাঁথনিক নিজৰ লক্ষ্য কৰি লোৱা। ইউক্ৰেইনৰ বায়ুসেনাৰ তথ্য অনুসৰি ৰাছিয়াৰ কেইবাটাও ড্ৰ’ন দলে দেশখনৰ পূব, উত্তৰ, দক্ষিণ আৰু মধ্য অঞ্চলৰ দিশে আগবাঢ়িছিল, তাৰ পিছত কেইবাটাও ক্ৰুজ আৰু বেলিষ্টিক মিছাইলো নিক্ষেপ কৰা হৈছিল।
বিষয়াসকলৰ মতে, ৰাজধানী কিয়েভত বিস্ফোৰণৰ শব্দ শুনা যায় আৰু চহৰখনৰ কিছুমান অঞ্চলত বিদ্যুৎ যোগান বন্ধ হয়।
Continue Reading
