ডিজিটেল ডেস্কঃ মণিপুৰৰ হিংসাক লৈ সংসদত ধাৰাবাহিকভাৱে হুলস্থুল অব্যাহত আছে৷বিৰোধীয়ে এই বিষয়ত প্ৰধানমন্ত্ৰী মোদীৰ পৰা উত্তৰ বিচাৰিছে। একে সময়তে মোদী চৰকাৰৰ মন্ত্ৰী আৰু বিজেপিৰ সাংসদসকলেও বিৰোধীক প্ৰত্যুত্তৰ দিছে। শেহতীয়াকৈ কেন্দ্ৰীয় মন্ত্ৰী স্মৃতি ইৰাণীয়ে সংসদত ৰাহুল গান্ধীক তীব্ৰ আক্ৰমণ চলাইছে, য’ত তেওঁ ৰাহুলক এই হিংসাৰ বাবে জগৰীয়া কৰিছিল। ইৰাণীৰ পাছত এতিয়া বিজেপিৰ আন এজন সাংসদে ৰাহুল গান্ধীক মণিপুৰৰ হিংসাৰ সৈতে জড়িত কৰি বিবৃতি দিছে। সাংসদজনে মণিপুৰৰ হিংসাৰ বাবে প্ৰাক্তন প্ৰধানমন্ত্ৰী জৱাহৰলাল নেহৰুক দোষাৰোপ কৰে।
বিজেপিৰ সাংসদ জগন্নাথ সৰকাৰে সংবাদ প্ৰতিষ্ঠান এএনআইক কয় যে “ৰাহুল গান্ধীয়ে ৰাজনৈতিক ইতিহাসৰ বিষয়ে কিমান জানে মই নাজানো।সংসদত যদি এই আলোচনা হয় তেন্তে কংগ্ৰেছৰ বিৰুদ্ধে জনমত সৃষ্টি হ’ব। জৱাহৰলাল নেহৰুৱে ১৯৬০ চনত মণিপুৰৰ বাবে আইন আনিছিল, যাৰ বাবেই এই পৰিস্থিতিৰ সৃষ্টি হৈছে।”
সৰকাৰে কয় যে কংগ্ৰেছে সংসদত বিতৰ্ক নিবিচাৰে। তেওঁলোকে কেৱল প্ৰধানমন্ত্ৰী মোদীক লৈ প্ৰশ্ন উত্থাপন কৰিব বিচাৰিছে। তেওঁলোকে প্ৰথমে বিতৰ্ক কৰিব লাগে, তাৰ পাছত মোদীয়ে তেওঁলোকৰ প্ৰশ্নৰ উত্তৰ দিব।
মণিপুৰ সন্দৰ্ভত কেন্দ্ৰীয় মন্ত্ৰী স্মৃতি ইৰাণীৰ মৌনতাক লৈ অহৰহ প্ৰশ্ন উত্থাপন হৈ আছিল যদিও মহিলাকেইগৰাকীৰ ভিডিঅ’ ওলোৱাৰ পাছত তেওঁ টুইট কৰিছিল, কিন্তু তাৰ পাছতো বিৰোধীয়ে তেওঁক অহৰহ প্ৰশ্ন কৰি আছিল। ইফালে স্মৃতি ইৰাণীয়ে সংসদত দিয়া ভাষণত ৰাহুল গান্ধীক পোনপটীয়াকৈ আক্ৰমণ কৰি মণিপুৰত কেনেদৰে জুই লগাইছে সেই কথা ক’ব লাগে বুলি কয়। ইয়াৰ সময়ত তেওঁ কংগ্ৰেছ শাসিত ৰাজ্যসমূহৰ মহিলাৰ বিৰুদ্ধে হোৱা অপৰাধৰ কথাও উল্লেখ কৰে। ৰাজস্থান, ছত্তীশগড় আৰু বিহাৰত সংঘটিত অপৰাধ সন্দৰ্ভত মহিলা নেত্ৰীসকলেও কথা ক’ব লাগে বুলি মন্তব্য কৰে।
Continue Reading
