ডিজিটেল ডেস্কঃ শ্বাহৰুখ খানৰ অনুৰাগীসকলে এতিয়া অপেক্ষা কৰি আছে 'জৱান’ৰ বাবে। এটলীৰ সৈতে ছুপাৰষ্টাৰগৰাকীৰ প্ৰথমখন ছবি ৭ ছেপ্টেম্বৰত মুক্তি পাব আৰু ইয়াৰ প্ৰিভিউ ১০ জুলাইত মুক্তি পাব। টুইটাৰত ছবিখনৰ ট্ৰেণ্ড অব্যাহত থকাৰ সময়তে অভিনেতাগৰাকীয়ে ‘আস্ক এছ আৰ কে’ অনুষ্ঠান আয়োজন কৰে।
১৩ জুলাইৰ ‘আস্ক এছ আৰ কে’ অধিবেশনত ছুপাৰষ্টাৰগৰাকীয়ে এজন অনুৰাগীক প্ৰতিশ্ৰুতি দিছিল যে অধিবেশনৰ ঠিক পিছতেই তেওঁ ‘জৱান’ৰ নতুন পোষ্টাৰ ড্ৰপ কৰিব। কথামতেই কাম!
পোষ্টাৰখনত দেখা গৈছে যে শ্বাহৰুখ খানে প্ৰথমবাৰৰ বাবে টকলা হৈছে। এটলী ছবিখনত দুটা চৰিত্ৰত অভিনয় কৰা অভিনেতাগৰাকীয়ে নিজৰ খলনায়ক অৱতাৰৰ বাবে টকলা হোৱা দেখা যাব। পোষ্টাৰখন দেখি অনুৰাগীমহলৰ মাজত ব্যাপক হৈ চৈৰ সৃষ্টি হৈছে।
তেওঁ পোষ্টাৰখনৰ স’তে লিখিছে, "এতিয়া কামলৈ উভতি যাব লাগিব। জৱানে মুক্তিৰ সাজু হৈছে। #AskSRK ৰ বাবে সময় দিয়াৰ বাবে ধন্যবাদ। প্ৰতিশ্ৰুতি অনুসৰি ছবিখনৰ পোষ্টাৰখন মুকলি কৰিলো।’’
উল্লেখ্য যে ‘জোৱান’ত অভিনয় কৰিছে নয়ন্তৰা, বিজয় সেঠুপতি, সন্যা মালহোত্ৰা, ইত্যাদি।
Continue Reading
