ডিজিটেল ডেস্কঃ আমেৰিকা যুক্তৰাষ্ট্ৰৰ ৰাষ্ট্ৰপতি জো বাইডেনে চলিত বৰ্ষৰ ছেপ্টেম্বৰত নতুন দিল্লীত অনুষ্ঠিত হ'বলগীয়া জি-২০ নেতাৰ সন্মিলনত অংশগ্ৰহণ কৰিবলৈ চাৰিদিনীয়া ভ্ৰমণসূচীলৈ ভাৰতলৈ আহিব। জি-২০ নেতাৰ সন্মিলনত তেওঁ সদস্য ৰাষ্ট্ৰসমূহৰ সৈতে ইউক্ৰেইন যুদ্ধকে ধৰি জলবায়ু পৰিৱৰ্তনৰ দৰে গোলকীয় সমস্যাসমূহ মোকাবিলা কৰাৰ বিষয়ে আলোচনা কৰিব বুলি হোৱাইট হাউছে প্ৰকাশ কৰিছে ।
এক বিবৃতিত হোৱাইট হাউছে কয় যে বাইডেন আৰু জি-২০ দেশৰ নেতাসকলে বহুপাক্ষিক উন্নয়নৰ বাবে বেংকসমূহৰ ক্ষমতা বৃদ্ধি কৰি নিকা ইন্ধনৰ ব্যৱহাৰ আৰু জলবায়ু পৰিৱৰ্তনৰ বিৰুদ্ধে যুঁজ দিয়াৰ বিষয়েও আলোচনা কৰিব। প্ৰধানমন্ত্ৰী নৰেন্দ্ৰ মোদীয়ে আমেৰিকা ভ্ৰমণ কৰিছিল চলিত বছৰৰ জুন মাহত। সেই সময়তে বাইডেনে কৈছিল যে তেওঁ ছেপ্টেম্বৰত নতুন দিল্লীৰ জি-২০সন্মিলনৰ বাবে অপেক্ষা কৰি আছে। ৰাষ্ট্ৰপতি বাইডেনে প্ৰধানমন্ত্ৰী মোডীয়ে জি-২০ সন্মিলনৰ নেতৃত্ব বহন কৰাৰ বাবে প্ৰশংসা কৰিছে ।
২০২৬ চনত এই সন্মিলন আয়োজন কৰাৰ বাবে আমেৰিকাৰ ইচ্ছাৰ কথাও বিডেনে ব্যক্ত কৰি আহিছে। বাইডেন ৭-১০ ছেপ্টেম্বৰৰ ভিতৰত জি-২০ নেতাৰ সন্মিলনত অংশগ্ৰহণ কৰিবলৈ ভাৰতলৈ আহিব বুলি জানিব পৰা গৈছে। হোৱাইট হাউছে বিবৃতিত কয় "ৰাষ্ট্ৰপতি বাইডেন আৰু জি-২০ অংশীদাৰসকলে বিশ্বব্যাপী সমস্যাসমূহৰ মোকাবিলা কৰাৰ বাবে বিভিন্ন প্ৰচেষ্টাৰ বিষয়ে আলোচনা কৰিব, যাৰ ভিতৰত আছে নিকা ইন্ধন, জলবায়ু পৰিৱৰ্তন , ইউক্ৰেইন যুদ্ধৰ অৰ্থনৈতিক আৰু সামাজিক প্ৰভাৱ আদি" ভাৰতে ১ ডিচেম্বৰ, ২০২২ ৰ পৰা৩০ নৱেম্বৰ, ২০২৩ লৈ এবছৰৰ বাবে জি-২০ সন্মিলনৰ সভাপতিত্ব কৰিছে আৰু সমগ্ৰ দেশতে বৈঠক আয়োজন কৰি আহিছে।
Continue Reading
