ডিজিটেল ডেস্কঃ জম্মু-কাশ্মীৰৰ ৰিয়াছি জিলাৰ পাছত শেহতীয়াকৈ ৰাজস্থানতো লিথিয়াম পোৱা গৈছে। ৰাজস্থানৰ ডেগানা অঞ্চলত লিথিয়ামৰ খনি পোৱা গৈছে।
ভাৰতৰ ভূতাত্ত্বিক জৰীপে ইতিমধ্যে প্ৰকাশ কৰিছে যে যোৱা ফেব্ৰুৱাৰী মাহত জম্মু-কাশ্মীৰত পোৱাতকৈ ৰাজস্থানত অধিক লিথিয়ামৰ মজুত আছে।
ইয়াৰ উপৰিও ৰাজস্থান চৰকাৰী বিষয়াসকলে দাবী কৰিছে যে ৰাজ্যখনত পোৱা লিথিয়ামৰ পৰিমাণে দেশৰ চাহিদাৰ ৮০ শতাংশতকৈও অধিক প্ৰয়োজন সহজেই পূৰণ কৰিব পাৰে। কিন্তু ৰাজস্থানত পোৱা লিথিয়ামৰ সঠিক পৰিমাণ এতিয়াও জানিব পৰা হোৱা নাই।
মন কৰিবলগীয়া যে স্মাৰ্টফোন আৰু লেপটপত ব্যৱহৃত বেটাৰীৰ অন্যতম প্ৰধান উপাদান লিথিয়াম। ইয়াৰ উপৰিও শেহতীয়া বৈদ্যুতিক বাহনত লিথিয়ামৰ ভূমিকা অপৰিসীম। সেয়েহে দেশত লিথিয়াম খনি বিচাৰি পোৱাটো নিঃসন্দেহে এক ডাঙৰ কথা।
ইফালে এতিয়ালৈকে ভাৰতে এই লিথিয়ামৰ বাবে আন দেশৰ ওপৰত নিৰ্ভৰ কৰিবলগীয়া হৈছিল। কিন্তু দেশত লিথিয়ামৰ বৃহৎ মজুত থকাৰ বাবে এই নিৰ্ভৰশীলতা হ্ৰাস পোৱাৰ সম্ভাৱনা আছে।
আমেৰিকাৰ ভূতাত্ত্বিক জৰীপৰ পৰিসংখ্যা অনুসৰি সমগ্ৰ বিশ্বৰ ভিতৰতে সৰ্বাধিক লিথিয়ামৰ মজুত থকা দেশসমূহৰ ভিতৰত ভাৰতৰ স্থান সপ্তম।
Continue Reading
