জুবিন গাৰ্গৰ মৃত্যুৰ গোচৰ: অসুস্থ হৈ পৰিল জেলত বন্দী শশেখৰ জ্যোতি গোস্বামী

জনপ্ৰিয় কণ্ঠশিল্পী জুবিন গাৰ্গৰ মৃত্যুৰ গোচৰত জড়িত থকাৰ অভিযোগত বন্দী হৈ থকা শেখৰ জ্যোতি গোস্বামী হাফলং উপ-কাৰাগাৰত অসুস্থ হৈ পৰিছে। ডিমা হাছাও জিলাৰ হাফলং উপ-কাৰাগাৰত ন্যায়িক জিম্মাত থকা অৱস্থাত তেওঁৰ স্বাস্থ্যৰ অৱনতি ঘটা বুলি জানিব পৰা গৈছে।

এই সন্দৰ্ভত যোৱা ১৩ নৱেম্বৰত আদালতে গ্ৰহণ কৰা কাৰ্যব্যৱস্থাৰ অংশ হিসেবে গোস্বামীৰ স্বাস্থ্য সম্পৰ্কীয় চিকিৎসা সংক্ৰান্তীয় নথিপত্র ফাষ্ট ট্ৰেক আদালতত দাখিল কৰা হয়। গোচৰৰ শুনানি গ্ৰহণ কৰি থকা ফাষ্ট ট্ৰেক আদালতত এই নথিপত্রসমূহ দাখিল কৰাৰ পিছতে আদালতে গুৰুত্বপূর্ণ নির্দেশ জাৰি কৰে।

আদালতে হাফলং উপ-কাৰাগাৰৰ কৰ্তৃপক্ষক অভিযুক্ত শেখৰ জ্যোতি গোস্বামীয়ে যাতে উপযুক্ত আৰু সময়মতেও চিকিৎসা লাভ কৰে, সেই কথা নিশ্চিত কৰিবলৈ নির্দেশ প্রদান কৰিছে। অৱশ্যে তেওঁ কি ৰোগত আক্ৰান্ত হৈছে বা তেওঁৰ স্বাস্থ্যৰ অৱস্থা বৰ্তমান ঠিক কি পৰ্যায়ত আছে, সেই বিষয়ে কোনো স্পষ্ট তথ্য এতিয়ালৈকে প্ৰকাশ হোৱা নাই।

গোচৰটোৰ আইনি প্ৰক্ৰিয়া অব্যাহত থকাৰ সময়তে অভিযুক্তৰ এই স্বাস্থ্যজনিত পৰিস্থিতিক লৈ সৰ্বত্র চৰ্চা আৰম্ভ হৈছে। আদালতৰ নির্দেশৰ পিছত জেল কৰ্তৃপক্ষই কি ব্যৱস্থা গ্ৰহণ কৰে, সেইটোহে এতিয়া লক্ষণীয় হ'ব।