ডিজিটেল ডেস্কঃ সিদ্ধাৰ্থ মালহোত্ৰা আৰু কিয়াৰা আদৱানীৰ ৬ ফেব্ৰুৱাৰীত বিবাহপাশত আৱদ্ধ হ'বলৈ সাজু হৈছিল। কিন্তু এতিয়া বিয়াৰ তাৰিখ পিছুৱাই দিয়া হৈছে। দম্পতীহালৰ বিবাহ উৎসৱৰ তাৰিখত কিছু পৰিৱৰ্তনৰ খবৰ পোৱা গৈছে।
আনহাতে এতিয়ালৈকে বহু তাৰকা তেওঁলোকৰ বিয়াত উপস্থিত হৈছে। কিয়াৰা আদৱানী আৰু সিদ্ধাৰ্থ মালহোত্ৰাৰ বিয়া খনে সংবাদ মাধ্যমৰ শিৰোনাম দখল কৰি আছে৷ তেওঁলোক দুয়োৰে ৰাজকীয় বিবাহৰ খবৰে বহুতকে আকৰ্ষণ কৰিছে৷ । একে সময়তে তেওঁলোকৰ বিবাহৰ বিষয়ে বিশেষ খবৰ আহিছে৷ তথ্য অনুসৰি কিয়াৰা আৰু সিদ্ধাৰ্থৰ বিবাহ ৬ ফেব্ৰুৱাৰীত অনুষ্ঠিত নহয়।
তেওঁলোকৰ বিবাহ ৬ ফেব্ৰুৱাৰীৰ পৰিৱৰ্তে ৭ ফেব্ৰুৱাৰীতহে হ’ব বুলি খবৰ পোৱা গৈছে৷ ৰাজস্থানৰ জয়ছলমেৰৰ সূৰ্যগড় প্ৰাসাদত ৫ ফেব্ৰুৱাৰীৰ পৰাই কিয়াৰা আৰু সিদ্ধাৰ্থৰ প্ৰাক বিবাহ অনুষ্ঠান আৰম্ভ হৈছে। ৫ ফেব্ৰুৱাৰীত কেৱল মেহেন্দি অনুষ্ঠান অনুষ্ঠিত হৈছে।৭ ফেব্ৰুৱাৰীত বিবাহৰ লগতে অনুষ্ঠিত হ'ব বিশাল পাৰ্টি।
দম্পতীহালে ১২ ফেব্ৰুৱাৰীত মুম্বাইত বিবাহৰ অভ্যৰ্থনা অনুষ্ঠানৰ আয়োজন কৰিব। আম্বানী পৰিয়ালৰ পৰা আৰম্ভ কৰি বলীউডৰ বহু তাৰকাই কিয়াৰা আৰু সিদ্ধাৰ্থৰ বিয়াত উপস্থিত হ'বলৈ জয়ছলমেৰত উপস্থিত হৈছে। কৰণ জোহৰ, শ্বাহিদ কাপুৰ, মীৰা ৰাজপুত, শ্বিনা খানৰ দৰে বহু অভিনেত্ৰী বিবাহস্থলীত উপস্থিত হৈছে।
Continue Reading
