ডিজিটেল ডেস্কঃ যোগগুৰু বাবা ৰামদেৱৰ বিৰুদ্ধে ৰুজু হৈছে গোচৰ৷ ৰাজস্থানৰ বাৰমেৰ জিলাৰ এখন জনসভাত শত্ৰুতা বৃদ্ধি কৰা আৰু ধৰ্মীয় অনুভূতিত আঘাত কৰাৰ অভিযোগত ৰামদেৱৰ বিৰুদ্ধে এজাহাৰ দাখিল কৰা হৈছে৷
এগৰাকী আৰক্ষী বিষয়াই জনোৱা মতে বৰমেৰৰ স্থানীয় বাসিন্দা পাথাই খানে দাখিল কৰা অভিযোগৰ ভিত্তিত চৌহাটান আৰক্ষী থানাত এজাহাৰখন পঞ্জীয়ন কৰা হৈছে। পৰহাই চৌহাটান আৰক্ষী থানাৰ বিষয়া ভুটাৰামৰ মতে ৰামদেৱৰ বিৰুদ্ধে ভাৰতীয় দণ্ডবিধিৰ ধাৰা ১৫৩ ক, ২৯৫, ২৯৮ ৰ অধীনত গোচৰ পঞ্জীয়ন কৰা হৈছে।
উল্লেখ্য ২ ফেব্ৰুৱাৰীত বাৰমেৰৰ এখন সভাত ৰামদেৱে মুছলমানসকলৰ বিৰুদ্ধে হিন্দু মহিলাসকলক অপহৰণ কৰাৰ অভিযোগ উত্থাপন কৰিছিল৷ তেওঁ ধৰ্মান্তৰকৰণৰ প্ৰসংগতো কেতবোৰ গুৰুতৰ অভিযোগ উত্থাপন কৰিছিল৷
Continue Reading
