ডিজিটেল ডেস্কঃ কলম্বিয়াৰ এখন কাৰাগাৰত সংঘটিত হোৱা অগ্নিকাণ্ডত কমেও ৫১ জন কয়দীৰ মৃত্যু হৈছে। গুৰুতৰভাৱে আহত হয় বহু কয়দী। কলম্বিয়াৰ দৰে এখন দেশত ইয়াৰ আগতেও এনে ঘটনা সংঘটিত হৈছে যদিও দক্ষিণ-পশ্চিমৰ টুলুৱা চহৰৰ কাৰাগাৰত সংঘটিত হোৱা ঘটনাই দেশখনত চাঞ্চল্যৰ সৃষ্টি কৰিছে।
দেশৰ কাৰাগাৰ বিভাগৰ সঞ্চালক টিটো কেষ্টেলিয়নছে কয় যে, মৃতকৰ ভিতৰত কোন আছে সেয়া এতিয়াও স্পষ্ট হোৱা নাই। কাৰাগাৰত সংঘটিত হোৱা এই অগ্নিকাণ্ডৰ খবৰটো কাৰাবন্দীসকলৰ মাজত সৃষ্টি হোৱা উত্তেজনাময় পৰিস্থিতিৰ পাছতহে লাভ কৰে। বন্দী কয়দীয়ে নিজৰ কম্বলত জুই লগাই দিয়ে। সেই জুইৰ পৰা ইমান ডাঙৰ ঘটনাৰ সূত্ৰপাত হোৱা বুলি জানিবলৈ পোৱা গৈছে।
কলম্বিয়াৰ ৰাষ্ট্ৰপতি ইভান ডুকে এই ঘটনাক কেন্দ্ৰ কৰি গভীৰ উদ্বেগ প্ৰকাশ কৰিছে। লগতে ঘটনাটোৰ তদন্তৰ নিৰ্দেশ দিয়াৰ লগতে নিহত সকলৰ পৰিয়ালবৰ্গলৈ সমবেদনা জ্ঞাপন কৰে দেশখনৰ ৰাষ্ট্ৰপতিগৰাকীয়ে।
Continue Reading
